Sipas të dhënave të fundit të Ministrisë së Shëndetësisë dhe Institutit për Shëndet Publik, Kumanova, Manastiri dhe Prilepi janë vatra të reja të coronavirusit.

Qyteti i Prilepit ka 1.099 raste aktive, Kumanova është me 1.047 dhe Manastiri me 996 raste aktive.

Këto janë qytetet e reja me numrin më të madh të rasteve aktive. Më herët, pas arritjes së llojit britanik të coronavirusit, vatra të virusit ishin Ohri, Prilepi dhe Kavadari.

Më pak raste aktive ka në Pehçevë (28), Kratovë (26), Makedonska Kamenica (17) dhe Dojran (15).

Ndryshe, në Maqedoni ka mbi 20 mijë raste aktive me COVID-19 dhe vetëm gjatë 24 orvve të fundit janë regjistruar 37 pacientë me COVID-19./Telegrafi/