Burrat mendojnë se të gjitha gratë janë nevrike. Por natën, kur ndeshen me një grua tamam nervoze vetëm atëherë e kuptojnë se të gjitha gratë e tjera, para saj, janë engjëj.
Gruaja nervoze nuk pranon asnjë kundërshtim ndaj planeve dhe qëllimeve të saj. Sa vazhdon të shkojnë punët mirë, ajo është grua e dashur, e gjallë, e dhimbshme, si të thuash një grua qindpërqind. Por me t’u ndeshur me kundërshtimin më të vogël, bëhet bishë.
Po ta pengojnë familjarët që të shkojë në një takim publik, në qoftë se burri nuk pranon ta shoqërojë në një mbrëmje, ajo mund të përmbysë botën.
Inatet e saj nuk përputhen aspak me rëndësinë e arsyeve që i shkaktojnë dhe shpërthejnë, si të thuash, gjithmonë, pa pritur. Mund të iki nga shtëpia për një arsye të parëndësishme; sepse, bie fjala, nëna nuk e lejoi që të vishte çorape “ekstravagante”; të mbetet e urtë një javë vetëm sepse babai i saj i tërhoqi vërejtjen për diçka, madje dhe të shkojë dhe me një burrë tjetër, vetëm sepse nuk bëhet ajo që do, vetëm sepse i dashuri i saj iu vonua në takim; të hidhet nga dritarja vetëm sepse burri në rrugë pa me vëmendje të veçantë një femër tjetër.
Pika më e dobët e kësaj gruaje janë çështjet që kanë lidhje me dashurinë. Këtu nuk pranon asnjë kundërshtim.
Në punën që bën, në shoqëri me shoqet e saj, sikurse dhe në veprimet e zakonshme të jetës, sillet në mënyrë logjike, zemërmirë, e gatshme për t’u ardhur në ndihmë të tjerëve. Madje dallohet dhe nga një dinamizëm i spikatur. Përballon me guxim edhe vështirësitë më të mëdha.
Por, kur është fjala për burrin që dashuron, punët ndryshojnë.
Gruaja nevrike ka një diçka të përbashkët me gruan e dobët: dashurohet shumë lehtë dhe shkon nga njëri skaj te tjetri. Sot paraqitet e dashuruar marrëzisht me një intelektual, nesër me një mundës, pasnesër me një tjetër më të ri, nga i cili largohet për t’iu dhënë një burri flokëthinjur. Por është e tillë që shpesh mund t’i përkushtohet edhe një burri të vetëm.
Në raste të tillë dashuron me një pasion që të trondit. Dëshiron të jetë gjithmonë pranë të dashurit; e merr në telefon dhjetë herë në çdo orë kur ai ndodhet në zyrën e tij, madje kur është me të, shpesh nuk e lejon të kthejë kokën sa majtas-djathtas. I kërkon burrit që t’i tregojë si e kalon kohën në zyrë, minutë për minutë dhe orë për orë kur ndodhet larg saj dhe e torturon të shoqin me pyetje pa mbarim dhe me skenat e papritura dhe të pa përligjura të xhelozisë.
Në qoftë se burri, të cilit i është përkushtuar, merr vesh se e tradhton, është e zonja të ngrejë botën në këmbë. Por në të kundërtën, kur ajo fluturon sa te njëri ashtu edhe te tjetri, nuk është e ndërgjegjshme për pabesinë që bën dhe çuditet kur i kërkojnë llogari.
Gruaja nevrike (neurotike) në thellësi të shpirtit të saj, është tip i egoistes. Mendon se çdo gjë e saj është e drejtë, kurse të tjerëve nuk u njeh asnjë të drejtë. Kërkon që burri ose burrat që do të dashurohen pas saj, ta bëjnë të lumtur, t’iu nënshtrohen dëshirave të saj, të mos kundërshtojnë për asgjë.
Për këtë arsye, gratë nevrike nuk gjejnë kurrë lumturi, por as të tjerët nuk janë në gjendje t’i bëjnë të lumtura. Nuk bëjnë kurrë përpjekje që t’i njohin burrat paraprakisht – përvoja e tyre nuk u shërben për asgjë, prandaj dhe pësojnë gjithmonë zhgënjime.
Një grua nevrike, madje dhe kur është pesëdhjetëvjeçare, e pandeh veten të re dhe që burrat mund ta adhurojnë akoma… /Telegrafi/
Lufta Prigozhin - Putin
Më shumëPse trajneri Arbër Peci këshillon të mos vrapojmë?
A e keni ditur se për çfarë shërben pjesa metalike në letrën e sallamit, kjo video po bën xhiron në internet
Top pesë pozicionet në shtrat që femrat nuk mund t’i imagjinojnë!
10 shenja që tregojnë se ju kanë bërë magji!
Horoskopi vjetor 2024 - një kohë e fillimeve dhe mundësive të reja!
Katër lule helmuese të cilat vrasin me një fletë: Të bukura, por jashtëzakonisht vdekjeprurëse!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre