Në kohën kur po bëhet thirrje për kursim të energjisë elektrike, kryetarja e Tokios, Juriko Koike, i ka bërë thirrje banorëve të kryeqytetit japonez që të veshin xhemperë në vend se të ngrohen në shtëpitë e tyre.

Reklama

“Me përzgjedhjen adekuate, mendoj se do të mundeni dukshëm të zvogëloni shpenzimet e ngrohjes”, tha ajo duke shtuar se “bartja e këmishave dhe xhemperëve kanë efekt të mirë termik”.

“Edhe vetë veshi xhemper, e shalli gjithmonë më mbanë ngrohtë. Kjo do të na ndihmojë ta kursejmë energjinë elektrike”, shtoi ajo, transmeton Telegrafi.

Koike të njëjtën kohë theksoi se është një prej “veglave”, që banorëve të ishullit do t’ua lehtësojë mbijetesën në dimrin e ashpër.

Reklama

Të njëjtën kohë Koike veçoi presidentin francez Emmanuel Macron, për të cilin tha se është lider “në veshjen e xhemperëve”.

Reklama

Në Japoni ka filluar edhe fushata e ashtuquajtur “cool biz” me të cilën banorët e atjeshëm, gjatë muajve të verës veshin rroba më të thjeshta.

E tani në dimër u është bërë thirrje ta respektojnë fushatën “dimri i nxehtë”, duke veshur rroba më të trasha. /Telegrafi/