Kroos qëndroi në dhomë me dy lojtarë të Barcelonës për 90 minuta pas debaklit në El Clasico – ai e vlerësoi si moment më të keq se humbjen

Mesfushori gjerman Toni Kroos ka rrëfyer një histori interesante që ka ndodhur pas mbylljes së ndeshjes El Clasico ku Barcelona mposhti Real Madridin si mysafir me rezultat 4-0.

Përkatësisht, Kroosit iu desh t’i nënshtrohej kontrollit të dopingut, i cili zgjati një orë e gjysmë, ndërsa qëndroi në një dhomë me dy futbollistë të Barcelonës – Gerard Pique dhe Jordi Alba.

“Ajo skenë u mbyll natën. I ulur në dhomën e kontrollit të dopingut për një orë e gjysmë. Pique dhe Jordi Alba ishin aty. Vinicius dhe unë ishim humbës, isha shumë i lumtur kur dola nga ajo dhomë”, ka thënë Kroos.

Toni Kroos on being drug-tested after El Clasico. “That rounded out the night, sitting there for an hour-and-a-half in doping control. [Gerard] Pique and Jordi Alba were there too. We didn’t talk. Vinicius [Junior] and I were like losers. I was very happy to get out of there.” pic.twitter.com/zsP6jMe7F6

— Football España (@footballespana_) March 23, 2022

Kujtojmë, trajneri i Realit, Carlo Ancelotti, e la Kroos në dhomat e zhveshjes pas pjesës së parë dhe futi në lojë Eduardo Camaving.

“Unë kisha një lëndim dhe mora tre apo katër qepje. E pashë lojën nga dhoma e zhveshjes dhe më pas pashë golat për 3-0 dhe 4-0, ishte e tmerrshme,” tregoi Kroos.

Lexo po ashtu Courtois me mesazh për tifozët pas humbjes në 'el Clasico': Besoni se Reali do të japë gjithçka për t’i fituar titujt në dispozicion

Gjermani pastaj ka thënë se skuadra duhet të fokusohet për fundin e sezonit në La Liga dhe Ligën e Kampionëve.

“Duhet të ngremë kokën lart. Sido që të jetë, sezoni deri tani ka qenë shumë i mirë. Ne kemi arritur gjithçka që kemi dashur, po bëjmë mirë”, përufndoi mesfushori gjerman. /Telegrafi/