Futbollisti legjendar gjerman Toni Kroos, i cili i dha fund karrierës së tij pas Kampionatit Evropian të vitit të kaluar, pranoi se rivali i tij më i madh, Barcelona, luan ndeshjen më tërheqëse në Evropë, por gjithashtu vuri në dukje disa mangësi në ekipin e Hansi Flick.
Ish-mesfushori i Real Madridit beson se Barca po luan me një dozë të lartë rreziku.
Kur Pedri, Lamine Yamal ose Raphinha kanë një ditë të keqe, çdo ekip mund t’i kërcënojë dhe t’i eliminojë nga Liga e Kampionëve.
Si një shembull i vërtetë i këtij pretendimi ishte ndeshja e sezonit të kaluar kundër Interit.
"Barcelona luan futbollin më tërheqës në Evropë, por futbolli i tyre është shumë i rrezikshëm dhe mund të eliminohen shumë lehtë nga Liga e Kampionëve", tha Kroos.
"Nuk ka rëndësi nëse është raundi i 16-tave, çerekfinalet, gjysmëfinalet apo finalja e Ligës së Kampionëve, ata mund të përballen shumë lehtë me dikë të tillë. Kur bëhet fjalë për La Liga, nuk e besoj, sepse ata janë shumë dominues", theksoi Kroos.
Ju kujtojmë se në dy ndeshjet e fundit Barca regjistroi dy humbje (PSG në Ligën e Kampionëve dhe Sevilla në La Liga).
Arsyeja kryesore është loja shumë e rrezikshme e përgatitur nga Flick, me mbrojtjen, e cila luajti lart, pothuajse 40 metra larg portës së saj. /Telegrafi/
