Liderët e shteteve anëtare të Procesit të Bashkëpunimit në Evropën Juglindore (SEECP), një inciativë rajonale e 11 shteteve, e kanë përshëndetur mbylljen e negociatave për anëtarësim mes Kroacisë dhe BE-së.
Kroacia do të bëhet anëtare e BE-së në vitin 2013. “Kroacia është partnere dhe mike e juaja dhe ju lutem të mbani mend se me hyrjen tonë në BE, ju do të keni një anëtare që kurrë nuk do të lodhet së lobuari për zgjerim, dhe se do të mundohet që t’ia mundësojë të gjitha shteteve anëtarësimin në Union”, ka thënë presidenti kroat, Ivo Josipovic në këtë samit. /Telegrafi/
