Fati i Telekomit të Kosovës mbetet ende i pa qartë, përderisa Qeveria e Kosovës si aksionar i saj, ende nuk ka ndërmarrë asnjë veprim për trajtimin e kësaj kompanie që po konsiderohet si e falimentuar për moskryerjen e detyrimeve dhe borxheve të shumta.
Drejtori ekzekutiv i Odës Ekonomike Amerikane, Arian Zeka ka thënë për KosovaPress, se për gjendjen e rëndë në Telekomin e Kosovës kërkohet të shfrytëzohet ligji për falimentim.
Zeka po thotë se qeveria duhet ta ndihmojë këtë kompani publike me dispozitat e këtij legjislacioni në fuqi në mënyrë që të tejkalohet kriza financiare aktuale.
“Kemi legjislacionin për insulvencë dhe bankrotim. Besoj që dispozitat e këtij legjislacioni duhet të ndihmojnë Telekomin që të tejkalojë problemet aktuale të cilat i ka. Meqenëse shteti është pronar, natyrisht duhet edhe të ndërhyjë gjithnjë duke pasur parasysh edhe kufizimet që mund të dalin nga legjislacioni për ndihmën shtetërore. Shteti duhet të ndihmojë këtë ndërmarrje për tejkalimin e problemeve aktuale dhe në të njëjtën kohë të nis sa më shpejt që të jetë e mundur procesin strukturimit, e kjo natyrisht përfshinë edhe ristruktimin e burimeve njerëzore dhe përgatitjen e kësaj ndërmarrje për privatizim”, thotë Zeka.
Ai po ashtu thekson se shteti duhet të marrë përsipër për një pjesë të përgjegjësisë në Telekom, pasi ka dështuar disa herë në procesin e privatizimit dhe në menaxhimin e saj, për t’i hapur rrugë zhvillimeve të reja.
“Tashmë jemi vonë, kemi pasur dy tentime të dështuara për privatizim dhe situata në të cilën jemi sot është dëshmia më e mirë e dështimit të institucioneve të vendit për të menaxhuar dhe për t’i hapur rrugë zhvillimeve të reja në Telekomin e Kosovës. Telekomi ka pasur nevojë për një strukturim, është folur për vite të tëra që numri i të punësuarve tejkalon kërkesën reale. Edhe kjo është njëra prej defekteve të Telekomit, pastaj aftësia e saj graduale, ndryshimet në treg që kanë ndodhur për gjatë viteve. Paaftësia e Telekomit për të kryer detyrimet e saj ndaj kreditorëve potencial”, thotë ai.
Meqenëse shteti është pronar i Telekomit, Zeka ka kërkuar që qeveria nis sa më shpejt ristrukturimin e kësaj ndërmarrje.
“Tash çfarë duhet të ndodhë që kjo të rishikohet, ndërsa ajo çka ne mund të themi është se Kosova ka legjislacionin e duhur për trajtimin e insulvencës së saj ose paaftësisë paguese. Kështu që duhet të përdoret ky legjislacion. Meqense shteti është pronar i Telekomit, edhe duhet të marrë përsipër për një pjesë të përgjegjësisë në këtë aspekt, edhe të nis sa më shpejt ristrukturimin e kësaj ndërmarrje dhe përgatitjen e kësaj ndërmarrje për procesin e privatizimit”, deklaron Zeka.
Ndërsa, rënia e të hyrave dhe krijimi i borxheve të shumta mbi 50 milionë euro, ka bërë që edhe punonjësit me vështirësi arrijnë t’i marrin pagat e tyre. Për këtë ndërmarrje janë zhvilluar disa procese gjyqësore edhe ndërkombëtare, ku detyrimet kanë arritur deri tash rreth 26 milionë euro, për të cilat edhe janë nisur procedurat përmbaruese nga kompania ‘Dardafon’.
Promo
Reklamo këtuLufta Prigozhin - Putin
Më shumëNga Rubrika
Nxitoni, vetëm edhe 4 vende të lira në kursin intensiv për kamerë “From Zero to Hero”
Përfaqësuesit e BQK-së takojnë zëvendësndihmës sekretarin amerikan të Thesarit, diskutohet thellimi i bashkëpunimit dhe fushat me interes
Po, po 31 vetura Dacia Logan shpërblim për konsumatorët nga ETC
Shije italiane në zemër të Prishtinës - Vapiano hapet së shpejti
50 brende botërore dhe 60 kuzhinierë pjesë e panairit Horeca - Frigo Deluxe
Nxitoni, vetëm edhe 4 vende të lira në kursin intensiv për kamerë “From Zero to Hero”
Drejtori i ANP-së: Zgjatja e pistës zgjidh problemin e fluturimeve
MEKA - zgjidhja e shpejtë dhe e shijshme për pauzat e punës
Kush përfiton nga ulja e çmimit të energjisë elektrike?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi