Kris Jenner zbulon se është diagnostikuar me tumor

Kris Jenner i ka dhënë familjes së saj një përditësim mbi shëndetin në ‘trailer’-in e ri për sezonin e pestë të serialit “The Kardashians”.

Seriali i famshëm i familjes do të rikthehet më 23 maj me më shumë dramë dhe disa komplikime serioze. Më 8 Maj, platforma e transmetimit publikoi një ‘trailer’ të ri për sezonin e ardhshëm, ku shihet Kris e ulur me vajzat e saj për t’u treguar se mjekët i kanë gjetur diçka të pazakontë.

Në ‘trailer’-in e publikuar, Kris tha: “Pata skanimin tim. Ata gjetën një cist dhe si një tumor të vogël”, vazhdoi ajo, së bashku me të dashurin e saj Corey Gamble, shkruan The Independent.

Kamera më pas kaloi tek Khloe Kardashian, Kylie Jenner dhe Kendall Jenner – të cilat ishin të ulura rreth nënës së tyre. Një shikim i shqetësuar u shfaq në fytyrën e Khloe, ndërsa Kendall shkoi të ngushëllojë motrën e saj më të re e cila kishte shpërthyer në lot.

View this post on Instagram

A post shared by The Kardashians (@kardashianshulu)

Nuk u dhanë detaje të mëtejshme në video, që do të thotë se shikuesit nuk do të marrin vesh se ku ndodhet tumori ose nëse është një tumor malinj deri në momentin kur episodi do të transmetohet.

Sezoni duket se zhvillohet në vjeshtën e vitit 2023, bazuar në klipet e treguara në ‘trailer’, pasi ai paraqet pamje gjatë javës së modës, Halloween-it dhe operacionin emergjent të Kourtney Kardashian.

Në ‘trailer’, themeluesja e markës “Lemme” shihet në fund të shtatzënisë së saj me fëmijën e katërt. Ajo shihet duke folur në telefon me nënën e saj, para se të dërgohej me nxitim në spital në shtator të vitit 2023 për të kryer kirurgji fetale.

View this post on Instagram

A post shared by Kourtney Kardashian Barker (@kourtneykardash)

Kirurgjia fetale është kryer në foshnje që janë ende në mitrën e nënës së tyre, sipas Klinikës Mayo. Në atë kohë, bashkëshorti i saj dhe bateristi i Blink-182, Travis Barker, zbuluan në rrjetet sociale se kirurgjia “urgjente” ishte “jetë kërcënuese” por në fund “shkoi mirë”.

Cifti, të cilët u martuan në maj të vitit 2022, mirëpritën në jetë fëmijën e tyre të parë së bashku, djalin Rocky, më 1 nëntor. Që atëherë, ata kanë mbajtur djalin e tyre larg syrit të publikut.

Sezoni i pestë i “The Kardashians” fillon transmetimin më 23 maj në Hulu në ShBA dhe Disney+ në Mbretërinë e Bashkuar. /Telegrafi/