LAJMI I FUNDIT:

Krimi në Ferizaj, kërkohet urgjentisht shtimi i sigurisë në Qendrat për Punë Sociale

Krimi në Ferizaj, kërkohet urgjentisht shtimi i sigurisë në Qendrat për Punë Sociale

Vrasja e djeshme e 21-vjeçares në Ferizaj tronditi të gjithë qytetarët e Kosovës. Erona Cokli, 21-vjeçe, dyshohet se u vra nga ish-bashkëshorti i saj në Qendrën për Punë Sociale, aty ku konsiderohet që siguria duhet të jetë në nivel. Derisa, ky rast vuri në pah parregullsitë që lidhen me çështjet e sigurisë në këto qendra.

Ish-drejtori i Qendrës për Punë Sociale (QPS) në Prishtinë, Vebi Mujku tha se në këto institucione mungon siguria fizike e klientëve dhe stafit.


Ai potencoi shumë raste kur stafi i QPS-së ballafaqohet me sulme fizike e kërcënime me armë për shkak të mungesës së kontrollit.

Mujku kërkon ndërmarrjen e hapave urgjentë në këtë drejtim, për çka përmend nevojën e sigurimit fizik dhe të bëhet një rregullore e re.

“Në Qendrën për Punë Sociale mungon siguria fizike e klientëve dhe stafit, të cilët punojnë aty dhe në shumë raste ndodh që stafi i qendrës për punë sociale të ballafaqohet me sulme fizike, të kërcënohet me thika, revole dhe me gjësende të tjera për shkak se mungon një kontroll, mungojnë detektorët, kontrolli fizik. Për çka është shumë me rëndësi që të jetë edhe Policia e Kosovës e pranishme, sepse aty kemi të bëjmë direkt me gratë, fëmijët dhe grupet e tjera të margjinalizuara… Duhet urgjentisht të veprohet në këtë drejtim, të bëhet sigurimi fizik, të krijohen dhomat mike, të bëhet një rregullim se si do të takohen ata për shkak se, pothuajse në secilin rast ka probleme kur takohen, takimet janë të rralla – një herë në dy javë, apo njëherë në javë, është vetëm një orë dhe çdoherë ka probleme”, tha Mujku.

Gjithçka nga vrasja e rëndë në Ferizaj, mjeku flet për gjendjen shëndetësore të 15-vjeçarit të plagosur
Lexo po ashtu Gjithçka nga vrasja e rëndë në Ferizaj, mjeku flet për gjendjen shëndetësore të 15-vjeçarit të plagosur

Rastet e vrasjes ndaj grave në Kosovë janë të shpeshta. Ndër arsyet që çojnë deri në këtë akt, Mujku përmend se burrat edhe pas ndarjes i shohin gratë si pronë të tyre.

Ndërsa për vrasjen e djeshme, për të cilën u raportua se dyshohet se ka ndodhur për shkak të mosmarrëveshjes për marrjen e kujdesit ndaj fëmijës së tyre njëvjeçar, Mujku tha se domosdo interesi më i mirë i fëmijës është që të qëndrojë te nëna.

Mujku thekson se diferenca në moshë prej 15 vjetësh në mes të dorasit dhe viktimës mund të jetë një faktor tjetër i mundshëm të ketë kontribuuar në aktin e djeshëm.

“Në shumicën e rasteve burrat pas ndarjes e konsiderojnë gruan ende si pronë të tyre. Nuk duan të shohin që po lëvizë lirshëm, që po del me të tjerët dhe përcjellën në forma të ndryshme. Shantazhojnë përmes fotove, rrjeteve sociale dhe nuk pajtohen me vetë faktin që fëmija iu është besuar një nëne, duke konsideruar që fëmija çdo herë është gjak i babait, i familjes së babait dhe iu takon atyre…Nëse po flasim për një fëmijë të moshës njëvjeçare, domosdo që interesi më i mirë i fëmijës, është të qëndrojë te nëna dhe nëna është ajo e cila i jep sigurinë, mirëqenien, kontrollin, edukimi më të mirë… Në këtë rast diferenca në moshë ka qenë jashtëzakonisht e madhe dhe mendoj që edhe kjo ka qenë një prej problemeve, sepse një diferencë prej 15 vjetëve në martesë, me siguri që edhe kjo i ka arsyet e veta, pasojat e veta që mund ta shtyjë deri te një rast i tillë”, potencoi Mujku.

Po ashtu, edhe sociologu Genc Xërxa mendon se në Kosovë ende funksionon sistemi patriarkal, ku burrat i shohin si rob gratë e tyre. Ndër shkaktarët që çojnë deri në vrasje, Xërxa përmend sistemin e vlerave, emancipimin e shoqërisë dhe çalimin e institucioneve për sigurimin e qendrave për Punë Sociale.

Një muaj paraburgim për të dyshuarin për vrasjen e ish-gruas së tij në Ferizaj
Lexo po ashtu Një muaj paraburgim për të dyshuarin për vrasjen e ish-gruas së tij në Ferizaj

“Rasti i mbrëmshëm është cilësuar si vrasje e rendë dhe është mjaft për keqardhje, edhe pse motivet ende nuk dihet. Por, ka nuanca të femicidit. Shkaktarët janë të shumtë, njëra në shumicën e rasteve që është më së keqi, keqkuptimet apo mosmarrëveshjet familjare në mes të çiftit bashkëshortor po na përfundojnë jo në mënyrë të duhur, të zgjidhen në mënyrë njerëzore apo humane, civile, por me fatalitet, siç ndodhi edhe rasti i mbrëmshëm. Janë shumë faktorë, janë sistemi i vlerave. Ne ende jetojmë në një sistem patriarkal, ku zakonisht ana e burrit apo mashkullor e sheh gruan si një rob, apo e sheh si pronë ndaj të cilës faktikisht mendon që ta mbizotërojë dhe ta dominojë në çfarëdo forme… Sistemi i vlerave, pastaj emancipimi i shoqërisë, pastaj këtu çalojnë edhe institucionet, që është më së keqi , që ka ndodhur para institucionet të Mirëqenies dhe Punës sociale. Ka pasiguri, si për gratë ashtu edhe për fëmijët”, tha Xërxa.

Ndryshe, autorit të dyshuar të vrasjes makabre dhe plagosjes së një 15-vjeçari në Ferizaj i është caktuar masa e paraburgimit një muaj. Ndërkaq, vëllai i mitur i viktimës është liruar sot nga spitali. Ndërkaq, trupi i pajetë i viktimës, dje (e premte) është dërguar për obduksion në Institutin e Mjekësisë Ligjore. Policia e Kosovës ka deklaruar se ende nuk dihen motivet e vrasjes. /KP/

Në trend Lajme

Më shumë
KFOR-i mohon se ndërmjetësuan për largimin e paramilitarëve serbë nga Banjska

KFOR-i mohon se ndërmjetësuan për largimin e paramilitarëve serbë nga Banjska

Siguri
Paradite polic, pasdite sigurim në diskotekë – IPK po i heton këto raste

Paradite polic, pasdite sigurim në diskotekë – IPK po i heton këto raste

Lajme
Turistët nga Kosova braktisin Durrësin pas liberalizimit të vizave

Turistët nga Kosova braktisin Durrësin pas liberalizimit të vizave

Lajme
Muharremi bën analizën e popullsisë: Po del që nga 2011-ta, Kosovën e lëshuan për çdo vit 40 mijë persona

Muharremi bën analizën e popullsisë: Po del që nga 2011-ta, Kosovën e lëshuan për çdo vit 40 mijë persona

Sociale
Gërvalla në Uashington: Kosova e përkushtuar për NATO dhe BE, Serbia kërcënim për rajonin

Gërvalla në Uashington: Kosova e përkushtuar për NATO dhe BE, Serbia kërcënim për rajonin

Lajme
Nga drama e eksodit, deri tek suksesi i shqiptarëve në Itali - Rama kryen edhe vallen e dytë kuqezi

Nga drama e eksodit, deri tek suksesi i shqiptarëve në Itali - Rama kryen edhe vallen e dytë kuqezi

Lajme
Kalo në kategori