Ushtruesja e detyrës së presidentes, Vjosa Osmani dhe kryetari i Lëvizjes Vetëvendosje, Albin Kurti, kanë takuar sot përfaqësuesit e Partisë Demokratike të Kosovës dhe ata të Aleancës për Ardhmërinë e Kosovës, ku kanë diskutuar për konstituimin e institucioneve të vendit.
Megjithëse ftesën për takim e kishte pranuar edhe Lidhja Demokratike e Kosovës, kryetari i sapo zgjedhur i LDK-së, Lumir Abdixhiku, deklaroi se nuk mund të merrte pjesë në takim, duke kërkuar kështu nga Osmani dhe Kurti që ta takohen ditën e premte, transmeton Telegrafi.
Por si shkoi takimi Osmani, Kurti dhe PDK?
Ushtruesi i detyrës së kryetarit të PDK-së, Enver Hoxhaj i shoqëruar nga sekretari Uran Ismaili, para u.d. presidentes Vjosa Osmani dhe kreut të LVV-së, Albin Kurti, paraqiten dhjetë qëndrime, kryesisht për politikën e jashtme.
“Kemi kërkuar qartësi për qasjen e tyre në raport me politikën e jashtme, meqë presidenti i ardhshëm ka rol në përfaqësimin tonë, dhe qeveria luan rol të rëndësishëm në krijimin e politikës së jashtme. Para se ta marrim vendimin në organet e PDK-së, varet prej 10 qëndrimeve që kemi ngrit në takim”, ka thënë Hoxhaj para mediave pas takimit.
Hoxhaj ka thënë se ka kërkuar nga Kurti që të distancohet nga dhuna politike e Vetëvendosjes në të kaluarën, por që sipas tij, ai nuk ka pranuar një gjë të tillë.
Takimi Osmani, Kurti dhe AAK
Kryetari i AAK-së, Ramush Haradinaj pas takimit me kryetarin e LVV-së, Albin Kurti dhe u.d e Presidentes, Vjosa Osmani ka thënë se kanë biseduar për bashkëpunim për temat e interesit nacional.
“Të bashkëpunojmë për temat e interesit nacional çdo herë duke e ruajt vendin, por edhe me bë funksionale demokracinë vendit, duke pasur parasysh që synohet një koncertin i pushteteve në një parti në këtë rast me LVV-në”, ka deklaruar Haradinaj.
Ai tha se në këtë takim nikoqirët kanë kërkuar konstruktivitet dhe partneritet pozitë-opozitë dhe natyrisht sipas tij, AAK është parti opozitare konstruktive.
Haradinaj theksoi se është detyra e Kurtit dhe Osmanit që të sigurojnë 2/3 e votave për zgjedhjen e presidentit.
“Detyra jonë nuk është me përkrahë koncentrimin e pushtëve në një dorë. Populli ia ka jep shumicën për krijim të qeverisë, nuk ia ka dhanë 2/3 e Kuvendit për Presidentin, është përgjegjësia e tyre me gjet formulën se si i bëjnë 2/3. Ne si Aleancë do t’i marrim vendimet tona në institucionet tona të partisë”, tha Haradinaj.
Takimet e mbajtura sot janë komentuar edhe nga analistët politikë.
Analistët duke u bazuar në takimet e ditës së sotme mes Kurtit e Osmanit me liderët e PDK-së dhe më pas me atë të AAK-së shpresojnë se LVV mund të gjejë vota për Osmanin vetëm në LDK.
Vehbi Kajtazi thotë se Enver Hoxhaj pas takimit me Kurtin la të nënkuptohet se nuk do të jenë në Kuvend kur të votohet presidenti.
“Zoti Haradinaj ishte shumë më i qartë në këtë kundërshtim dhe siç po shihet me të vërtet “presidenti kalon nga zyra e LDK-së”. Por nuk e përjashtojë mundësinë që edhe këta të refuzojnë t’ia bëjë kuorumin Osmanit për presidente”.
Arton Demhasaj thotë se gjasat më të mëdha janë që LDK të krijojë kuorumin për Vjosa Osmanin pasi sipas tij janë akuzuar shumë në të kaluarën që i bënë numrat Hashim Thaçit për president.
“Pos Rugovës, asnjëherë nuk kanë qëndruar në sallë subjektet opozitare kur është votuar presidenti. Obligimi për të siguruar këtë kuorum bie mbi pushtetin”, tha Demhasaj në RTV Dukagjini.
Ndryshe, Kryesia e Kuvendit të Kosovës do të mblidhet të martën në orën 09:00 për të diskutuar mbi përgatitjet për seancën konstituive të legjislaturës së tetë të dalë nga zgjedhjet e 14 shkurtit.
Ndryshe, ushtruesja e detyrës së presidentit, Vjosa Osmani, në pajtueshmëri me Kushtetutën e Kosovës dhe legjislacionin në fuqi, pas certifikimit të rezultateve nga KQZ-ja, ka caktuar për datën 22 mars (e hënë) seancën konstituive të Kuvendit të Kosovës, në orën 10:00, teksa përgatitjet për mbajtjen e saj do të kryhen konform procedurave në fuqi. /Telegrafi/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
BE-së i kërkohet largimi i masave sanksionuese ndaj Kosovës, analistët tregojnë se çfarë ndodhë pas procesit që dështoi në veri
Policia serbe ndalon për më shumë se një orë Duda Baljen në Merdar
Momenti kur Osmani i thotë Vuçiqit "Shihi në sy dhe kërkoju falje katër viktimave të krimeve serbe"
"S'ka më punësim të kunatave në MPJD", Gërvalla nënshkruan një vendim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj