Të hënën është sulmuar djali i politikanit serb, Nenad Rashiq, Nikolla Rashiq, nga 30 persona në fshatin Llapnasellë të Graçanicës derisa po dilte nga shkolla, për të cilin ka pasur reagime të shumta nga politikanët shqiptarë po ashtu edhe nga shoqëria civile.
Jeta Krasniqi nga Instituti Demokratik i Kosovës (KDI) gjatë intervistës për Telegrafin, sulmin ndaj djalit të Rashiqit e quajti të tmerrshme.
Ajo tha se në komunitetin serb në Kosovë që nga viti 2017 ka pasur frikësim nga Beogradi për tua përcaktuar se kënd duhet të votojnë.
“Ishte një lajm i tmerrshëm kur dëgjuam që djali i tij ishte rrahur brutalisht, edhe arsyet e artikuluara nga Rashiq ishin politike. Kemi parë që komuniteti serb në komunat me shumicë serbe në Kosovë që nga 2017 ka pasur një intimidim në fakt tek qytetarët serb se për kënd do të votojnë”, ka thënë ajo.
Krasniqi po ashtu tha se në komunitetin serb nuk ka garë të mirëfilltë demokratike në zgjedhjet të cilat janë mbajtur në Kosovë.
Siç deklaroi ajo, qytetarët serbë nuk janë lejuar të votojnë apo mendojnë ndryshe nga Lista Serbe dhe presidenti i Serbisë, Aleksandar Vuçiq, pasi siç tha ajo ata janë gjithmonë në shënjestër.
“Kemi parë që në momentin që është bërë marrëveshje e Brukselit në vitin 2013, kur janë mbajt dhe zgjedhjet legale ligjore në komunat me shumicë serbe në veri, formimin e Listës Serbe dhe ndikimin e Listës që ka drejtpërdrejtë me presidentit serb Vuçiq, ka pasur në përcaktimin e kësaj jo vetëm 10 vendeve në kuvend dhe në pozicione të tjera. Kemi pa që nuk ka garë të mirëfilltë demokratike në zgjedhjet e komunave me shumicë serbe, pasi qytetarët nuk janë lejuar të votojnë për dikë tjetër dhe partitë politike që mendojnë ndryshe nga Lista Serbe dhe presidenti Vuçiq janë gjithmonë në shënjestër”, u shpreh ajo.
Krasniqi gjithashtu theksoi se edhe Bashkimi Evropian (BE) në vitin 2019 kishin evidentuar që në komunat me shumicë serbe nuk kishte zgjedhje të mirëfillta demokratike.
“Në 2017 kishte raportime, në 2019 kishte raportime qoftë nga Bashkimi Evropian dhe ekipet monitoruese që evidentuan dhe nënvizuan që në këto komuna nuk kishte zgjedhje të mirëfillta demokratike. Këtë herë zgjedhjet shkuan më qetësisht, por fakti që shkoi më qetësisht do të thotë që është negative sepse është bërë një normalizim i presionit, i frikës, i shtypjes që i ushtrohet komunitetit serb, dhe ndikimit të drejtpërdrejtë nga Beogradi zyrtarë”, tha tutje ajo.
Sipas saj, sulmi fizik që ndodhi të hënën ndaj djalit të Rashiqit duhet të jetë një sinjal për institucionet e Kosovës por edhe për faktorin ndërkombëtar që mos të lejojnë që në emër të stabilitetit të prodhohen hapësira të dhunës të frikës dhe presionit ndaj këtij komuniteti.
“Prandaj kjo që ndodhi dje duhet të jetë një sinjal, një thirrje jo vetëm nga institucionet e Kosovës por edhe nga faktori ndërkombëtar që e mbështesin procesin e dialogut që mos të lejojnë që në emër të së ashtuquajturës stabilitet të prodhohen hapësira të dhunës të frikës të presionit ndaj komunitetit serb në Kosovë drejtpërdrejtë nga komuniteti serb apo nga presidenti serbë, Vuçiq”, tha ndër të tjera Jeta Krasniqi nga KDI. /Telegrafi/
Promo
Reklamo këtuLufta Prigozhin - Putin
Më shumëTaravari: Kemi dalje masive, shpresoj që vëzhguesit ta mbrojnë votën e çdo qytetari
Pasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Llukarevska: Pendarovski shkon në raundin e dytë
O'Brien bisedon me Kurtin, SHBA pret përparim urgjent në themelimin e Asociacionit
KSHZ jep detaje për përqindjen e daljes së votuesve deri në fund të procesit zgjedhor
Vdes një person në Pejë, dyshohet se u godit qëllimshëm nga vetura
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert