Kryetari i Partisë Demokratike të Kosovës (PDK), Memli Krasniqi, përmes një video-mesazhi i është drejtuar kryeministrit të vendit, Albin Kurti, lidhur me aferën e raportuar ndaj ambasadorit të Kosovës në Kroaci, Martin Berishaj.
Krasniqi përmes këtij video-mesazhi të publikuar në rrjetin e tij social në Facebook ka drejtuar një sërë pyetjesh ndaj Kurtit.
“Mbi dy milionë euro i janë dhënë nga një kompani e energjetikës sllovene me degë në Serbi, mikut të Albin Kurtit dhe Lëvizjes Vetëvendosje, Martin Berishajt që e emëruan ambasador të Kosovës në Kroaci dhe i cili tërhoqi miliona euro kesh, para këto që nuk dihet se ku shkuan. Kjo aferë e Martin Berishajt, e raportuar në media ndërkombëtare, ngre dyshime serioze për Qeverinë e Kosovës. Si mund të flitet për respektimin e shtetit të së drejtës, ndërkohë që përfaqësuesit më të lartë të shtetit tonë përfshihen në afera të tilla financiare dhe ata mbrohen nga krerët e shtetit? Si ndikon ky skandal në imazhin e shtetit tonë, tani kur jemi në prag të liberalizimit të vizave dhe kur kemi aplikuar për anëtarësim në BE?”, ka thënë Krasniqi.
Krasniqi, po ashtu tha se qytetarët me të drejtë po e kërkojnë të vërtetën dhe ata duhet ta dinë tregimin e plotë.
I pari i PDK-së, po ashtu i kërkoi sqarim Kurtit se si e mori nënshtetësinë e Kosovës për një ditë Berishaj, dhe më pas u bë ambasador.
“Kryeministër, qytetarët me të drejtë po pyesin dhe ti duhet të përgjigjesh: Si u bë që Martin Berishaj për një ditë e mori nënshtetësinë e Kosovës e të nesërmen u emërua ambasador në Kroaci? Si e kaloi Martin Berishaj verifikimin e sigurisë nga institucionet përgjegjëse të Kosovës? Si është e mundur që qeveria po e mbron Martin Berishajn me kaq besnikëri në vend se ta shkarkoni e ta sjellni në Kosovë për hetime serioze? Cka dini ju për pohimet se milionat e Martin Berishajt janë përdorur për fushata zgjedhore në Kosovë? A mori GEN-i, me degë në Serbi kontrata në Kosovë si ‘shpërblim’ në këmbim që ia dha Berishajt?”, ka thënë ai.
Krasniqi po ashtu e pyeti Kurtin, se pse është duke heshtur për këtë skandal.
“Dhe më e rëndësishmja: Kryeministër pse po heshtë për këtë skandal dhe pse po e mbron kaq shumë bashkëpunëtorin tënd të ngushtë, ambasadorin Martin Berishaj? Ju keni premtuar se do ta luftoni korrupsionin, e tash ndodheni në mesin e një skandali rajonal të korrupsionit. Po vepron si një struc kryeministër, duke e zhytë kokën në rërë dhe duke pritë që ky problem disi do të kalojë. Por, këtë herë nuk do t’ia dalësh duke heshtur. Qytetarët po e kërkojnë të vërtetën dhe ata meritojnë ta dinë tregimin e plotë për aferën Martin Berishaj”, ka thënë Krasniqi. /Telegrafi/
Promo
Reklamo këtuLufta Prigozhin - Putin
Më shumëVuçiq e quan “hipokrit” reagimin e ndërkombëtarëve për ndalimin e qytetarëve të Kosovës
Britania e Madhe reagon për protestën para Bashkisë së Tiranës: Molotovi nuk ka vend në demokraci
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Kurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Haradinaj kritikon ashpër Kurtin: Autostrada e Dukagjinit do të ndërtohet herëdokur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi