Mbyllja për dy javë për disa sektorë të bizneseve dhe pa ndonjë plan për përkrahje financiare të bizneseve ka ngritur shqetësime te komuniteti i biznesit në Kosovë.
Bizneset do të dëmtohen rëndë nga kjo mbyllje dhe se pasojat do të janë të rëndë për ekonominë e vendit, ndoshta dhe katastrofale. Kështu ka thënë kryetari i Bordit të Odës së Afarizmit të Kosovës (OAK), Skënder Krasniqi.
Krasniqi i ka rekomanduar Qeverisë së vendit që para se të merren çfarëdo masa duhet të bëjë analiza për efektet dhe kundërefektet që do të vijnë nga vendimet meqë thekson se dëmet që do të krijohen do të kenë pasoja për shumë vjet.
“Ne si Odë e Afarizmit të Kosovës në kontinuitet kemi kërkuar që asnjë masë të mos merret pa asnjë përkrahje dhe plan paraprak për përkrahje financiare të bizneseve. Para se të merret një vendim të analizohet përkrahja, të njoftohen bizneset për përkrahjen që do të marrin në rast të vendimit për mbyllje”, tha Krasniqi, për KP.
Krasniqi ka treguar edhe hapat që duhet të marrë qeveria para se ta sjellë vendimin për mbyllje, duke shtuar edhe se vendimet e mëhershme të llojit të njëjtë i ka dëmtuar bizneset.
“Ky vendim i shpejtë është vendim i dëmshëm për bizneset dhe qeveria e cila tashmë është konsoliduar dhe është në përbërje të plotë do të duhet që me urgjencë të ketë takime, dhe të bëjë analiza për efektet dhe kundër efektet që do t’i merr një vendim, në këtë rast gastronomisë për mbyllje dhe përkrahje financiare paraprake dhe pastaj vendim për mbyllje. Këto vendime që janë marrë më herët në këtë mënyrë e kanë dëmtuar shumë biznesin. Është planifikuar përkrahje financiare për punëtorët me vlerë 170 euro dhe ato 170 euro kanë qenë në ekstrem të vogla, janë bërë me muaj e muaj vonesë dhe e kanë dëmtuar ekstrem shumë biznesin. Një gjë e tillë nuk do të duhet të përsëritet, duhet paraprakisht plani, etiketimi i bizneseve, numri i bizneseve, planifikimi i përkrahjes financiare, ndarja e buxhetit dhe alokimi i ndarjeve për buxhetin dhe pastaj mbyllja”, tregoi Krasniqi.
Kryetari i Bordit të Odës Afarizmit të Kosovës, thotë se nuk janë kundër vendimeve të cilat janë në interesa nacional sikurse këto për pandeminë COVID-19 por thekson se duhet veprohet me maturi.
Krasniqi ka radhitur pasojat që mund të jenë katastorfale për bizneset dhe ekonominë e vendit.
“Ne si biznese dhe si Odë nuk jemi kundër vendimit që është në interes nacional sikur që është në këtë rast me pandeminë, por do të duhet të veprohet siç po veprojnë vendet e tjera në përkrahje të bizneseve me përkrahje financiare. Ne kemi mbetur jetim nga mospërkrahja dhe injorimi që iu është bërë biznesit nga institucionet. Një gjë e tillë nuk duhet të përsëritet, sepse goditja që iu është bërë bizneseve vitin e kaluar me mos përkrahje do të ketë pasoja edhe në vitet në vijim. Nëse vazhdohet me të njëjtin veprim atëherë dëmet që do t’i ketë biznesi dhe shtetit me mungesë të të hyrave, rritje të papunësisë do të jenë të paevitueshëm dhe ndoshta edhe katastrofale. Do të duhet jo një vit apo dy, por pesë e dhe 10 vite për të ardhur në një gjendje në të cilën kemi qenë. Në rast se vazhdohet me politikat e njëjtat siç ka qenë deri tash do të kemi një tragjedi ekonomike në vend, që nënkupton edhe me gjendje të rëndë ekonomike dhe papunësi dhe gjendje të rëndë të qytetarëve. Do të kemi një rritje të eksodit. Për këtë ne duhet të marrim masa paraprake”, potencoi Krasniqi.
Qeveria e Kosovës është mbledhur për të bërë të ditura masat e reja antiCOVID-19./Telegrafi/
Lufta Prigozhin - Putin
Më shumëPo lulëzojnë ofertat n’BAU MARKET
Afër detit, afër mbretit - Mbreti i "Holiday In 2" po t'fton në fron
Abonohu në Shqip.ai - Zbulo pakot e reja të çmimeve
Dënohet me 25 vjet burg mashtruesi më i madh me kriptovaluta në SHBA
Ku janë banesat më të shtrenjta në Evropë dhe sa janë të gatshëm të shpenzojnë njerëzit?
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia