Komisioni Qendror Zgjedhor (KQZ) ka shpallur rezultatet përfundimtare për asamble komunale të zgjedhjeve të 22 tetorit, pas rinumërimit të rreth 700 kutive të votimit në Qendrën e Numërimit dhe Rezultateve, ndërsa afat i ankesave rrjedh nga nesër në ora 12.00. KQZ ka marrë vendim që në tri vendvotime në komunën e Parteshit të përsëriten zgjedhjet më 19 nëntor.
Koordinatori QNR-së, Burim Ahmetaj, ka thënë se kanë procesuar të gjitha materialin zgjedhor dhe rinumërimin e 695 vendvotimeve, dhe se numërimi ka përfunduar mbrëmë dhe se koha e fundit për procedim të të gjitha rezultateve në faqen e KQZ-së është nesër në mesditë.
“Për shkak të numrit të madh të dosjeve dhe madhësive të dokumenteve që do të publikohen dhe konsiderojmë se deri ditën e nesërme në ora 12 mund të kemi të kompletuar publikimin e të gjitha rezultateve, të cilat kanë të bëjnë me kuvendin komunal”, ka thënë Ahmetaj.
Anëtari i KQZ-së, Adnan Rrustemi nga radhët e Vetëvendosjes, ka ngritur disa çështje që kanë të bëjnë me kutitë e rinumëruara, duke kërkuar që të bëhet një tabelë krahasuese në ato vendvotime për partitë politike, për të ditur se sa vota kanë pasur më herët dhe sa kanë tash pas rinumërimit.
Ai po ashtu ka kërkuar që të dalin para përgjegjësisë personat që kanë ndikuar ose kanë ndërhyrë në procesin zgjedhor.
“Burimi ta analizojë këtë proces dhe të na sjellë një rezultat përfundimtar që KQZ-ja ta adresojë në prokurori listën e të gjithë atyre komisionarëve që në mënyrë të qëllimshme e kanë devijuar vullnetin e votuesve, për raste më të theksuara, për raste më drastike, në mënyrë që KQZ-ja të marrë një vendim për kallëzim penal”, ka thënë Rrustemi.
Shpallja e rezultateve për kuvendet komunale është bërë nga anëtari i KQZ-së, Betim Gjoshi nga radhët e PDK-së, i cili ka drejtuar mbledhjen e radhës së KQZ-së në mungesë të kryetares Valdete Daka.
Në Prishtinë, në zgjedhjet lokale të 22 tetorit më së shumti ulëse në asamblenë komunale ka siguruar Vetëvendosje me 17 ulëse, pasuar nga LDK me 15.
“Prishtinë: 27.127 vota Vetëvendosje-17 ulëse. LDK 23.203 vota, 15 ulëse, PDK 9.005 vota, 6 ulëse, AAK 8.198 vota, 5 ulëse, AKR 6.238 vota, katër ulëse, LB 2621 vota, 2 ulëse, Nisma për Kosovën 2.323 vota, 1 ulëse, Alternativa 1196 një ulëse”, ka thënë Gjoshi.
Ai ka bërë të ditur se nga nesër nis afati për ankesa nga ana e kandidatëve për asamble komunale.
“Nga nesër rrjedh afati i ankesave, në mënyrë që të mos i hyjmë në hak kandidatëve, të cilët për arsye të ndryshme kanë arritur që të mos zgjidhen”, ka thënë Gjoshi.
KQZ ka marrë vendim që në tri vendvotime në komunën e Parteshit të përsëriten zgjedhjet më 19 nëntor, pas ankesës së kandidatit Nenad Cvetkoviq, i cili akuzoi kandidatin e Listës Serbe, Dragan Petkoviq, për blerje të votave dhe manipulim të procesit zgjedhor.
Stevan Veselinoviq nga Lista Serbe është shprehur kundër këtij vendimi, duke e quajtur me karakter politik dhe do të ketë implikim në bashkësinë serbe.
“Mua krejt kjo më duket si një skenar i bërë, pasi Lista Serbe është viktimë e një politike të keqe i qarqeve të caktuara politike në Prishtinë dhe para se gjithash në mënyrë më tragjike shkel vullnetin e votuesve. Lista Serbe nuk do të ketë rezultat më të dobët në zgjedhjet e përsëritura, madje do të ketë më të mira”, ka thënë Veselinoviq.
Ndaj kësaj deklarate ka reaguar Sami Hamiti nga LDK-ja, duke thënë se qarqet politike në Prishtinë nuk kanë ndikuar për marrjen e vendimit për përsëritjen e zgjedhjeve në Partesh.
Ndryshe, më 19 nëntor, organizohet rrethi i dytë i votimeve për kryetarët e rinj. Gara më interesante pritet të zhvillohet në komunat më të mëdha, si Prishtina, Mitrovica, Gjakova, Ferizaj dhe Prizreni.
Në rrethin e dytë të zgjedhjeve LDK garon në 10 komuna, PDK në 9, Vetëvendosje në 6 komuna, AAK në 5 komuna, kurse AKR, Nisma për Kosovën dhe Alternativa nga 1 komunë. /Telegrafi/
Për të parë se rezultatet përfundimtare për asambletë komunale klikoni KËTU
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
Kurti pas telefonatës me Macron: Besojmë që Franca ta mbështesë Kosovën në KiE pa parakushte
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Zbulohet shifra që u pagua Alma Kaçi për të kryer marrëdhënie seksuale me Safet Gjicin: Ia morën videon me forcë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert