Kosova “Made in Albania”!
Në pesëvjeçarin e pavarësisë së Kosovës, shqiptarët kanë përse të festojnë. Ata nuk po e kremtojnë 100 vjetorin e pavarësisë si Shqipëria, por vetëm pesë vjet shtet, aq sa je lejon Kushtetuta e saj prej shteti më të ri në Ballkan dhe Evropë.
Kosova, në këtë rrugëtim shtetëror, ka arritur me të vërtetë të shënoj hapa pozitiv në njohjet ndërkombëtare. Ajo është njohur nga rreth 100 shtete të botës, e pritet që në pesëvjeçarin e ardhshëm të njihet edhe nga shtete të tjera.
Pavarësisht, nga pengesat dhe bllokadat, që i dalin përpara nga disa faktorë vendorë dhe ndërkombëtarë, Kosovën e pret një e ardhme euro-atlantike.
Institucionet kosovare, pas përmbylljes së kaptinës luftarake, flakadanët e luftës i kthyen në flakadanë të lirisë, duke e ndërtuar Kosovën shtet të pavarur dhe sovran.
Duke i falënderuar popullit liridashës, forcave çlirimtare të UÇK-së, ndihmës vëllazërore të Shqipërisë dhe viseve të tjera etnike – Maqedoni, Kosovë Lindore, Mal të Zi e diasporë – pa përjashtuar ndihmën ndërkombëtare të NATO-s, Këshillit të Evropës etj., Kosova u lirua nga robëria 125 vjeçare.
Dialogu si proces midis Prishtinës dhe Beogradit, me ndërmjetësimin e Brukselit, paraqet një nga etapat me të rëndësishme të konsolidimit të paqes në këtë rajon.
Shqiptarët dhe serbët, si dy popuj fqinj, jo rrallë gjatë historisë janë përleshur për pushtet e dinjitet. Ata duhet të merren vesh njëherë e përgjithmonë, se nuk mund të jetojnë njëri pranë tjetrit përmes grykës së pushkës.
Afera e rrugëve, strukturat paralele, reciprocitetet e kushtëzimet e tjera vendore e ndërkombëtare, nuk i kontribuojnë shtetësisë së Kosovës, bashkëpunimit ndërkufitar, marrëdhënieve fqinjësore etj.
Integrimet evropiane janë procese, të cilat i ndihmojnë edhe Prishtinës edhe Beogradit, për tu kyçur në këto trendë pa probleme të moçme e mentalitete të mbrapshta.
Shqiptarët e Luginës së Preshevës dhe serbët e veriut të Kosovës, në kudër të këtyre proceseve, nuk kanë nevojën të shqetësohen, të vuajnë dhe të derdhin gjak.
Çështja e kufijve dhe statusi i pakicave kombëtare nuk do të jenë më si dikur “mollë sherri”, apo “tabu temë” për shtetet e pavarura dhe sovrane siç janë Kosova dhe Serbia.
Avancimi i të drejtave të pakicave në Kosovë, sot është shembulli më i mirë, i cili duhet të shërbej si model edhe për vendet e tjera fqinje.
Rruga e Kosovës drejt Brukselit, i ndihmon asaj për Marrëveshjen e Stabilizim-Asociimit dhe liberalizimit e vizave. I të njëjtës rëndësie është anëtarësimi i Kosovës në NATO. Këto dy rrugë qenësore për Kosovën, do ta bëjnë atë një republikë me tamam sovrane dhe të mëvetësishme.
Me zhvillimin e Kosovës në aspektin ekonomik e politik, me luftën zero tolerancë ndaj korrupsionit dhe kriminalitetit si dhe njohjet ndërkombëtare në rritje, rruga e shqiptarëve të bashkuar si komb në Evropë do të jetë më e lehtë, më e kapshme dhe më e qëndrueshme.
17 shkurtin e 2008-ës, do ta mbajmë në mend, do ta kujtomë dhe do ta kremtojmë, si datë me rëndësi historike, në të cilën u vunë themelet e shtetit shqiptar në Kosovë.
Urojmë, që vitet në vijim të shënimit të pavarësisë së Kosovës, të jenë edhe më të begata, më të forta dhe më të konsoliduara si shtet dhe si komb!
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Florin Krasniqi kërkon mbi 28 milionë euro dëmshpërblim nga Mali i Zi
A do t'i "shpëtojë" Albin Kurti Asociacionit të komunave me shumicë serbe, flasin analistët
Girona synon transferimin e yllit të Barcelonës si lojtar i lirë në fund të sezonit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre