Një person është arrestuar pasi që gjatë kontrollimit në automjetin e tij, janë gjetur dhe konfiskuar dhjetë pistoleta të llojeve të ndryshme.

Sipas raportit të policisë, rasti ka ndodhur të premten rreth orës 09:45 në Ferizaj.

Siç thuhet në raport, si prova materiale i është sekuestruar automjeti dhe tre telefona mobil, ndërsa gjatë kontrollimit të shtëpisë së të dyshuarit në Kaçanik nuk është gjetur asgjë e dyshimt.

Ndërkaq, me vendim të prokurorit i dyshuari është dërguar në mbajtje. /Telegrafi/

Foto: Ilustrim