Automjeti koncept, i quajtur The Huntress, është makina që përmban rrota që mund të rrotullohen në mënyrë autonome për të përballuar terrenet e ashpra.
Sipas medieve të huaja, përcjell Telegrafi, Huntress është si koncept një makinë elektrike për terrene të ashpra e projektuar nga Connery Xu.
Automjeti me dy ulëse përmban një sistem të pavarur pezullimi, që lejon çdo rrotë të lëvizë në mënyrë autonome në përgjigje të kushteve të ndryshme.
Gjysma e trupit të makinës është gjithashtu në gjendje të rrotullohet në terren të ashpër, sipas kushteve të ndryshme, të tilla si terrene të pabarabarta dhe rrugë me gunga.
Pjesa e përparme e makinës përmban një grup të pazakontë fenerësh që mund të rrotullohen horizontalisht, sipas skicave të Xu.
Ndërsa dritat rrotullohen, ato zbulojnë një grup tjetër fenerësh, duke u siguruar shoferëve shikueshmëri më të mirë në kushte të errëta ose me mjegull. /Telegrafi/
