Komuna e Tetovës: Qeveria LSDM – BDI para zgjedhjeve po i partizon edhe më shumë institucionet
“Partizimi i të gjitha institucioneve nga Qeveria e LSDM – BDI po bëhet edhe më i fortë në prag të zgjedhjeve, dhe pushteti po tenton ta keqpërdor Sektorin për Punë të Brendshme në Tetovë për qëllime politike”. Kështu akuzoi Komuna e Tetovës qeverinë BDI-LSDM.
Kryetari i Këshillit të Komunës së Tetovës Besar Durmishi, sot në konferencë për shtyp tha se MPB dhe ministri Oliver Spasovski, po përpiqet të jetë partiake në çdo nivel.
“Kjo shihet nga zgjedhja e shefit të Sektorit të Punëve të Brendshme në rajonin e Tetovës. Sipas ligjit përkatës, për zgjedhjen e komandantit, ministri i propozon Këshillit të komunës tre emra dhe zgjedhja bëhet me votat e këshilltarëve, natyrisht të shumicës. Nga tre kandidatët e parë të propozuar nga ministri, këshilltarët e Këshillit të Komunës së Tetovës nuk kanë përkrahur asnjërin prej tyre. Sipas ligjit, ministri është i detyruar të propozojë tre emra të rinj. Por në propozimet e reja, ministri ka bërë shkelje të rëndë të ligjit, sepse ka propozuar dy emra të rinj dhe ka ripropozuar njërin nga emrat e parë, i cili duket se është i afërt me ministrin apo partnerët nga BDI – LSDM, të cilët po mundohen që policinë e shtetit ta bëjnë polici familjare apo private”, tha Besar Durmishi.
Sipas Durmishit, pas kësaj shkelje ligjore nga ministri, është e kuptueshme që këshilltarët vështirë se do të mbështesin një person partiak, pasi policia siç thotë Durmishi, duhet të qëndrojë larg ngjyrave partiake dhe në asnjë moment nuk duhet të merren masa për abuzime të caktuara.
“Por të gjitha këto LSDM-BDI po i bën me qëllim, që zgjedhja e personit të parë të SPB Tetovë të dështojë për herë të dytë dhe pastaj për këtë ta vendosë Qeveria. Këto lojëra janë të njohura për opinionin, sepse në çdo qorrsokak që kanë, BDI dhe LSDM keqpërdorin institucionet shtetërore, duke i konsideruar si pronë private dhe duke u bërë sikur janë në oborrin e shtëpisë së tyre. Për të arritur qëllimin specifik që kanë, shkelin rëndë ligjet e vendit. Por shihet se kjo nuk i shqetëson aspak, sepse skandale dhe megaskandale që kanë bërë prej vitesh dhe po i bëjnë edhe tani. Dhe ata e dinë se kanë nevojë që policia të bëjë kërdinë në zgjedhje dhe të shantazhojë qytetarët për qëllime politike. Por kjo nuk do të lejohet. Si Këshill i Komunës dhe si Komunë do të ndërmarrim të gjitha veprimet e nevojshme për të shprehur vullnetin e qytetarëve të Tetovës, e jo vullnetin e LSDM-së dhe BDI-së për të përdorur forcën ndaj qytetarëve”, tha Durmishi./Telegrafi/
Promo
Reklamo këtuLufta Prigozhin - Putin
Më shumëÇfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
AGK-ja dënon intimidimin publik të deputetit Dimal Basha ndaj gazetares së RTK-së
Drejtori i RTK-së: Gjuha e përdorur nga deputeti Dimal Basha, e papranueshme
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City