0Shares

Anëtari i Presidencës së Bosnjës dhe Hercegovinës, Zeljko Komsic, e ka porositur presidentin e Serbisë, se e njeh tërësinë territoriale të Sebisë pa Republikën e Kosovës. Ai ka kërkuar nga presidenti i Serbisë, Boris Tadic dhe ai i Kroacisë, Ivo Josipovic që të mos merren me Bosnjen dhe Hercegovinën, por siç ka thënë ai “t’i shikojnë punët e veta”.

Anëtari kroat i Presidencës së Bosnjës dhe Hercegovinës, i ka bërë këto komente pas takimit që patën të hënën në Beograd, presidenti serb, Tadic, dhe ai kroat, Josipovic, të cilët deklaruar se e njohin sovranitetin e Bosnjës dhe Hercegovinës.

“Presidentët e shteteve fqinje do të duhej të merreshin me problemet e vendeve të tyre dhe jo me Bosnjën dhe Hercegovinën. Sidoqoftë i falenderoj shumë për interesimin. Edhe unë e mbështes tërësinë territoriale dhe sovranitetin e Kroacisë dhe të Serbisë pa Kosovën”, ka thënë Komsic.

Kjo deklaratë e anëtarit kroat të Presidencës së Bosnjës dhe Hercegovinës ka nxitur reagime të ashpra në Republikën Serbe.

Anëtari serb i Presidencës së Bosnjës dhe Hercegovinës, Nebojsa Radomanovic, ka deklaruar se Sarajeva nuk do ta njoh pavarësinë e Kosovës pavarësisht se çfarë mendon Komsic apo anëtari tjetër i Presidencës që përfaqëson njësinë boshnjake të kësaj federate.

Radomanovic ka deklaruar se për njohjen e Kosovës është e nevojshme të kenë një qëndrim të tria njesitë që përbëjnë Bosnjën dhe Hercegovinën (Kroate, Boshnjake dhe Serbe). /Telegrafi/

Të Ngjajshme
Shfaq Komentet (0)