Kompania italiane Ferrero shpall Kosmonte Foods si ‘Distributor Lider’ për 2021-2022

Një nga kompanitë më të vjetra në Evropë për prodhimin e produkteve nga çokollata Ferrero, ka nderuar kompaninë kosovare Kosmonte Foods me çmimin “Distributor Lider” 2021-2022.

Ferrero njihet si një nga kompanitë më të vjetra italiane dhe jo vetëm, që ka fjalën kryesore për prodhimet e famshme nga çokollata.

Kosmonte Foods ka arritur që të fitojë respektin e Ferrero me profesionalizmin dhe përkushtimin e madh.

“Për performancën e jashtëzakonshme, pasionin dhe sinergjinë me vlerat e Ferreros”, shkruan në përshkrimin e çmimit të ndarë për Kosmonte Foods.

Kompania ka një bashkëpunim me Ferreron për më shumë se një dekadë.

Brend menaxherja Vlora Sejdiu ka thënë për Telegrafin se si kompani janë falënderues për një vlerësim të tillë.

“Duke qenë partner me grupin Ferrero për më shumë se një dekadë, ne – të gjithë në Kosmonte Foods, jemi dedikuar me shumë fokus, punë dhe përkushtim duke u munduar të përfaqësojmë denjësisht brendin Ferrero edhe në vendin tonë”, thotë Sejdiu.

“Jemi pafund falënderues që ky përkushtim bën që ne të nderohemi me një çmim të tillë nga një partner i çmuar siç është Ferrero. Padyshim se kjo do të rrisë edhe më tepër dedikimin dhe përgjegjësinë tonë si punonjës
dhe si kompani që të mbajmë me nder këtë vlerësim. Vlen të falënderojmë edhe të gjithë konsumatorët tanë besnik që me vite të tëra konsumojnë produktet e brendit tonë Ferrero”, shtoj ajo.

Kosmonte Foods është distributor i produkteve ushqimore në tregun e Kosovës nga disa prej brendeve më cilësore evropiane dhe botërore duke furnizuar me rregull tregun e Kosovës vetëm me produktet më cilësore. /Telegrafi/