“Klubi nuk më ka përmendur top katërshen”, Maresca flet për objektivin e Chelseat

Trajneri i Chelseat, Enzo Maresca ka folur së fundmi për objektivin real të klubit londinez, pas nisjes pozitive të sezonit 2024/25.

Pavarësisht se Chelsea dukej i përgatitur të paktën të konkurronte për një vend në top katërshe, Maresca këmbëngul se ai nuk ishte vendosur një objektiv i tillë para sezonit.

“Klubi nuk më ka përmendur top katërshen”, ka thënë fillimisht trajneri i Chelseat në një konferencë për shtyp.

“Ata gjithmonë më kanë përmendur se objektivi ishte të ndërtoja diçka të rëndësishme për katër ose pesë vitet e ardhshme”.

“Sigurisht, ne punojmë çdo ditë për të arritur diçka të rëndësishme. Presion, mbi lojtarët? Nuk mendoj kështu, të jem i sinqertë”.

“Nëse shkoni ndeshje pas ndeshjes, mund ta shihni veten se ku jeni në atë moment. Nëse filloni të mendoni për top katër ose gjashtë më të mirët, ju po mendoni për qershorin dhe për mua, është shumë larg”, përfundoi Maresca.

Momentalisht, Chelsea është në vendin e pestë në tabelën e Ligës Premier, vetëm një pikë prapa Arsenalit dhe Aston Villas. /Telegrafi/