Kloazma (maska e grave shtatzëna)

Kloazma mund të shfaqet gjatë shtatzënisë, terapisë hormonale, ose kur merrni hapa kontraceptivë, por ndodh të lindë edhe pa ndonjë shkak të dukshëm.

Njolla të murrme shfaqen përgjatë mollëzave, mbi buzën e sipërme, në faqe dhe në ballë. Shkaku: ndryshimet hormonale dhe dielli.

Në shumicën e rasteve, kloazma kalon vetiu, por te 20 për qind e të sëmurëve mbetet.

Njollat mund të zhduken gati 50 përqind (nganjëherë edhe më shumë, po të përdorni vazhdimisht mjete të forta të mbrojtjes nga dielli, krem mjekësor çngjyrosës, që merret me recetë nga kozmetologu dhe të kaloni një kurs pilingjesh me acid aminoacetik).

Pilingu kimik zotëron veti zbardhuese dhe largon pigmentin nga shtresat sipërfaqësore të lëkurës. Kremi çngjyrosës frenon prodhimin e pigmentit nga shtresat e thella.

Mirëpo 20 përqind të klientëve këto metoda nuk i ndihmojnë. Sapo dalin në diell, atyre u shfaqen sërish njollat. Po të qëlloni në këtë 20 për qindësh, mos u dëshpëroni.

Shkencëtarët i tërheqin problemet e vështira; shumë shpejt besohet se do ta gjejnë shërimin edhe për kloazmën e qëndrueshme. Tani po provohet një lloj i ri laseri, laseri me pika, i cili për të ardhmen premton perspektiva të shkëlqyera. /Telegrafi/