Klinika Digjitale u mundëson të gjithë qytetarëve të marrin këshilla shëndetësore falas nga kompjuteri

Klinika Digjitale është një startup që është zhvilluar me partnerët në SHBA për të krijuar një platformë të avancuar dhe unike shëndetësore për konsultim me mjekun në çdo kohë dhe nga çdo vend.

Kjo klinikë e cila funksionon krejtësisht përmes kompjuterit, ka zhvilluar një sistem shëndetësor të njohur si “Shëndeti Juaj në Duar Tuaja”, me pajisje dhe softuer të sofistikuar, i cili ju mundëson të konsultoheni me mjekun tuaj të preferuar dhe të përkujdeseni për sigurinë dhe privatësinë e të dhënave tuaja shëndetësore.

Klinika ka angazhuar një numër të madh profesionistësh shëndetësorë të fushave të ndryshme për të qenë afër qytetarëve. Për t’i parë të gjithë mjekët, klikoni KËTU.

Kështu ju mund të caktoni termin me mjekun e preferuar për problemin shëndetësor të cilin mund ta keni.

Përderisa kjo platformë është e nevojshme tërë kohën, në veçanti është e rëndësishme për periudhën në të cilën po kalojmë – e që tërë kohën sugjerohet të qëndroni në shtëpi.

Gjatë tërë kohës sa jeni duke qëndruar në shtëpi në mënyrë që të ndihmoni në parandalimin e virusit COVID-19, ju mund të konsultoheni nga shtëpia juaj me mjekët profesionistë për çdo problem shëndetësor që mund ta keni.

Duke klikuar tek pjesa “Mjeku Kujdestar” dhe duke i plotësuar të dhënat që kërkohen, ju do ta keni mundësinë të konsultoheni me mjekun pa lëvizur nga shtëpia. Kështu do t’i ruani tjerët dhe veten!

Kjo platformë po rekomandohet shumë edhe për qytetet të cilat janë në karantinë, ku Komuna e Klinës, përkatësisht Drejtoria për Shëndetësi dhe Mirëqenie Sociale, u ka bërë thirrje qytetarëve të Klinës që shërbimet mjekësore dhe këshillat shëndetësore t’i marrin falas nga shtëpia përmes Klinikës Digjitale.

Shërbimi digjital është përpjekje e vazhdueshme për të shërbyer pacientët më shpejt, më afër dhe më lirë – pa marrë parasysh distancën me mjekun apo institucionin shëndetësor kudo në botë.