LAJMI I FUNDIT:

Kjo stërvitje prej katër sekondash mund të djegë dhjamin dhe të përmirësojë shëndetin e zemrës

Kjo stërvitje prej katër sekondash mund të djegë dhjamin dhe të përmirësojë shëndetin e zemrës

Stërvitjet e shkurtra me intensitet të lartë janë bërë gjithnjë e më popullore vitet e fundit.

Duket sikur ka rutina gjithnjë e më të shkurtra që mund t’ju japin rezultate të jashtëzakonshme. Por një regjim i ri ushtrimesh mund ta marrë vendin e parë për sa i përket shkurtësisë dhe përfitimeve, veçanërisht nëse jeni dikush që qëndron ulur për periudha të gjata kohore gjatë ditës.

Hyni në stërvitjen prej katër sekondash. (Po, e lexuat mirë: katër sekonda!)

Në një studim të botuar në Medicine & Science in Sports & Exercise, dy grupeve të pjesëmarrësve iu tha të qëndronin ulur për tetë orë nëse nuk ngriheshin për të ngrënë ose për të shkuar në tualet. Një grup i këtyre pjesëmarrësve do të bënte pesë grupe ushtrimesh prej katër sekondash me një biçikletë stacionare të specializuar çdo orë përpara se të ktheheshin në pozicionet e tyre të ulura. Ata bënë gjithsej 160 sekonda ushtrime për tërë ditën.

Mëngjesin pas eksperimentit, studiuesit zbuluan se grupi që bëri “stërvitje” të shkurtra prej katër sekondash kishte nivele më të ulëta të triglicerideve në gjak në krahasim me bashkëmoshatarët e tyre plotësisht të ulur, dhe ata digjnin më shumë yndyrë gjatë periudhës gjashtë-orëshe në vijim.

Trigliceridet janë një tregues kyç i shëndetit të zemrës, ndaj është e rëndësishme që ato të mbeten sa më të ulëta. Gjithsesi, nivelet e tyre të triglicerideve mbetën 30 për qind më të ulëta.

Ndërsa autorët e studimit janë të shpejtë për të vënë në dukje se puna e tyre nuk është aspak përfundimtare dhe se studimi ishte i vogël dhe afatshkurtër, ai tregon se edhe thjesht zbritja nga divani për të vrapuar ose kërcyer në vend për disa sekonda, çdo orë mund të bëjë një ndryshim të madh. /Telegrafi/

Në trend Shëndetësi

Më shumë
Tetë mënyra efektive për të ndaluar dhimbjen e dhëmbit në kushte shtëpie

Tetë mënyra efektive për të ndaluar dhimbjen e dhëmbit në kushte shtëpie

Shëndetësi
Kalo në kategori