Marrja e mjaftueshme e vitaminave dhe lëndëve ushqyese është një nga mënyrat kryesore që mund të mbrohemi nga sëmundjet ndërsa plakemi. Por, kur bëhet fjalë për të ditur saktësisht se sa ju nevojitet, gjërat mund të bëhen pak të ndërlikuara.

Për fat të mirë, ka disa simptoma që mund të sinjalizojnë se mund t’ju duhet më shumë një lëndë ushqyese e caktuar. Kur bëhet fjalë për vitaminën D, rënia e flokëve mund të tregojë se keni mungesë!

Vitamina D është një nga lëndët ushqyese më të rëndësishme për trupin tuaj ndërsa plakeni. Fatkeqësisht, shumë njerëz kanë mangësi. Vitamina D është thelbësore për kockat e forta, lëkurën me shkëlqim dhe shëndetin optimal të imunitetit, madje luan një rol në rregullimin e insulinës, transmeton Telegrafi.

Jo vetëm kaq, por marrja e më shumë vitaminë D ka treguar se ndihmon në largimin e problemeve si sëmundja e zemrës, osteoporoza dhe madje edhe depresioni.

Lidhja e rënies së flokëve me vitaminë D

Nivelet e ulëta të kësaj lënde ushqyese thelbësore janë lidhur me një mori problemesh, përfshirë dendësinë e ulët të kockave, zbutjen e kockave, artrozën dhe kancerin. Ajo që mund të mos e dini është se mungesa e vitaminës D mund të shkaktojë edhe rënie të flokëve. Vitamina D luan një rol të rëndësishëm në stimulimin e gjëndrave tuaja të flokëve, shkruan Express.co.uk.

Kjo përfshin gjëndrat e flokëve që ekzistojnë tashmë si dhe stimulojnë rritjen e të reja. Studimet tregojnë se nivelet e ulëta të vitaminës D në fakt mund të shkaktojnë rënie të flokëve. Për më tepër, mungesa e vitaminës D ka qenë e lidhur edhe me alopecinë, një gjendje e cila shkakton njolla tullace në lëkurën e kokës dhe zona të tjera si tek burrat ashtu edhe tek gratë.

Simptoma të tjera të mungesës së vitaminës D përfshijnë lodhje, dhembje, imunitet të ulët dhimbje në muskujt dhe nyjat tuaja që shkaktojnë çorientim, mungesë ekuilibri dhe stres. Nëse mendoni se mund të keni mungesë të vitaminës D, flisni me mjekun tuaj dhe konsideroni të shtoni më shumë vitaminë D në dietën tuaj ditore. /Telegrafi/