Kjo kompani planifikon të ofrojë produktet e shëndetit dhe fitnesit përmes dronëve elektrikë

Një dron mund të dërgojë porositë në të ardhmen të vitaminave ose suplementeve të tjera.

Kjo pasi që kompania udhëheqëse globale e shëndetit dhe mirëqenies GNC po bashkon forcat me Zipline për të ofruar dërgesë plotësisht elektrike me dron në tregje të zgjedhura në SHBA duke filluar nga kjo verë, përcjell Telegrafi.

E themeluar në vitin 2014, Zipline filloi dërgimin e furnizimeve urgjente të gjakut në fshatrat e largëta në Ruandë përmes dronëve elektrikë dy vjet më vonë, duke shpëtuar qindra jetë ndërsa po rritet për t’u bërë sistemi më i madh i shpërndarjes autonome në botë.

Dhe Zipline tani përfundon mbi 1000 dërgesa çdo ditë, nga vaksinat tek artikujt e tregtisë elektronike dhe ushqimet.

Kompania operon në tre kontinente (Amerika e Veriut, Afrika dhe Azia) në shtatë vende, duke punuar për të ofruar mallra për Walmart, Toyota, Pfizer, qeveritë kombëtare dhe shumë të tjerë në mbarë botën.

GNC është partneri më i fundit me Zipline pas lansimit të shërbimit të dorëzimit në të njëjtën ditë.

Alan Chester, shefi i furnizimit në GNC, komentoi partneritetin inovativ, duke thënë: “Dërgimi me dron është një mënyrë inovative për t’i bërë proceset tona të shpërndarjes dhe dorëzimit më efikas, më efektiv dhe më të shpejtë, duke përfituar përfundimisht konsumatorët tanë”.

Andaj, duke filluar nga kjo verë në Salt Lake City, Utah, GNC do të punojë me Zipline për të ofruar shpërndarje thjesht elektrike me dron për produktet e saj të shëndetit dhe fitnesit. /Telegrafi/