Kina “i tregon dhëmbët” SHBA-së, teston raketën “Vrasësi i Guamit” – thotë se mund të godasë anijet luftarake në lëvizje (Video)

Ushtria e Kinës ka testuar raketën e saj balistike DF-26, e cila thuhet se ka aftësinë për të goditur anijet e luftës, edhe kur janë në lëvizje.

Sipas mediave të huaja, përcjell Telegrafi, bëhet fjalë për raketën “Vrasësi i Guamit”, sepse bazat ushtarake amerikane në ishullin e Paqësorit janë brenda rrezes së saj.

Mediat shtetërore kineze raportojnë se testet janë kryer në një vend të fshehtë në veri-perëndim të Kinës.

Pekini njoftoi se i kishte shpërndarë raketat në një zonë të shkretëtirës në atë rajon më parë këtë muaj, një ditë pas një stërvitje amerikane në një pjesë të Detit të Kinës Jugore, që Pekini pretendon se është territori i saj.

Disa pamje të testimit në televizionin shtetëror thuhet se treguan raketat që po lëshoheshin në ajër, si dhe imazhe të afërta të dizajnit të saj, por nuk shfaqnin armët që goditnin ndonjë objektiv.

Megjithatë ekspertët e cituar nga mediat shtetërore se testet provuan se raketat ishin të afta të goditnin transportuesit e aeroplanëve luftarakë.

Ata i thanë gazetës se struktura e raketave, si dhe “rrjeti informativ i lidhur me kokën” – të cilat mund të përfshijnë një shumëllojshmëri të radarëve dhe sistemeve satelitore – do të lejonin përditësimin e të dhënave rreth vendit të synuar.

Gjithashtu, siç thuhet tutje, përcjell Telegrafi, Ministria e Mbrojtjes Kombëtare e Kinës ka thënë më parë se raketat DF-26 ishin të afta të mbanin raketa bërthamore konvencionale.

#ChinaDefense Close-up details of the Chinese anti-ship ballistic missile DF-26 show the missile can greatly adjust its position mid-flight to accurately attack a moving aircraft carrier, experts said Sunday. @CNN https://t.co/aoQi5tGvXx pic.twitter.com/IoevU50iJ5

— Global Times (@globaltimesnews) January 27, 2019

Raketat besohet të jenë në gjendje të godasin objektivat deri në 4,500 kilometra larg, duke vendosur në rreze ishullin e Guamut të Paqësorit – territori ku operojnë Forcat Ajrore dhe Marinës Amerikane.

Bates Gill, një profesor i studimeve të sigurisë të Azisë në Universitetin Macquarie, tha se vendimi i Kinës për të publikuar testin e raketave DF-26 kishte për qëllim krijimin e një “frike”.

Megjithatë, mbetet e panjohur nëse sistemi raketor është në gjendje të arrijë një transportues aeroplanësh në det, dhe Dr. Gill nxit “një shkallë drejtë skepticizmi” në këtë pikë.

“Ajo kurrë nuk është testuar me të vërtetë në atë mënyrë, në kushtet aktuale, në një anije, në det”, tha ai. /Telegrafi/