Shifrat zyrtare treguan se Kina në muajin korrik kishte rritjen më të dobët të prodhimit industrial që nga viti 2002 dhe shitjet me pakicë u ulën ndjeshëm, pas një ngadalësim ciklik dhe tensioneve tregtare të shtuara. Prodhimi industrial u rrit me 4.8 për qind, shitjet me pakicë u zgjeruan vetëm 7.6 për qind dhe investimet u ngadalësuan në 5.7 për qind, rezultate këto edhe më të ulëta sesa parashikimet.
Të dhënat e prodhimit të shoqëruara me kërkesën e dobët sinjalizojnë se ekonomia e dytë më e madhe në botë ende po lufton për t’u stabilizuar. Rritja e ardhshëm e tarifave, që presidenti Donald Trump vendosi ta shtyjë për dhjetorin është parë nga tregjet si një tregues pozitiv, megjithatë ende paqartësia e së ardhmes nuk është zbehur.
“Ekonomia është duke u ngadalësuar. Nevojiten lehtësime monetare dhe ne presim një tjetër ulje të normës së interesit gjatë vjeshtës”, tha Gene Ma, ekonomist kryesor i Kinës në Institutin e Financave Ndërkombëtare në Washington, përcjell Telegrafi.
Prodhimi u ngadalësua në rritjen më të dobët, ndërsa rritja e investimeve në infrastrukturë, si shtyllë kryesore e stimulimit të qeverisë, u dobësua në 3.8 për qind, ndërsa lufta tarifore po përshpejton zhvendosjen e ekonomisë së Kinës larg fabrikave e drejt shërbimeve apo shitjes me pakicë, të dhënat e korrikut treguan gjithashtu rënie edhe atje.
Shitjet me pakicë janë dobësuar shumë nga tkurrja e vazhdueshme e shitjeve të automjeteve. Në muajin korrik, Kina vendosi një përmirësim të standardeve të emetimit të gazeve në zonat me mbi 60 për qind të shitjeve kombëtare të automjeteve dhe kjo politikë duket se ka minuar përfitimin e kompanive, shitjet e të cilave u dobësuan thellësisht. Sipas Byrosë Kombëtare të Statistikave, ato ishin edhe më të ulëta sesa mesatarja e vitit të kaluar dhe ritmi u ngadalësua në 8.8 për qind për korrikun.
Deri më tani, politikë-bërësit kinezë janë mbështetur në një sërë politikash të uljes së taksave për të nxitur shpenzimet dhe stimujsh monetarë që bankat të japin hua për bizneset. Por kjo nuk ka qenë e mjaftueshme për të ndalur ngadalësimin dhe ekonomistët kanë filluar të kërkojnë masa më efektive, përballë rreziqeve të rritjes së borxhit dhe paqëndrueshmërisë financiare.
“Tre kontribuuesit kryesorë, eksportet, shpenzimet në infrastrukturë dhe investimet në prona, po ngadalësohen. Ndaj ne presim më shumë masa për lehtësimin e likuiditetit, si ulja e raportit të rezervës. Megjithatë ka të ngjarë që ato të mos jenë të mjaftueshme për të ringritur ekonominë. Edhe muajt e ardhshëm ajo do përballet me më shumë humbje”, tha Larry Hu, drejtuesi ekonomik i Kinës në Macquarie Securities në Hong Kong.
Shkalla e papunësisë gjithashtu u rrit për korrikun në vlerën 5.3 për qind nga 5.1 për qind që rezultonte muajin e kaluar, një zhvillim që Byroja Kombëtare e Statistikave e justifikoi me të diplomuarit e fundit që godisnin tregun e punës. /Telegrafi/
Promo
Reklamo këtuLufta Prigozhin - Putin
Më shumëKush është vajza biznismene që po pushton tregun muzikor?
Produkte natyrale, vegane dhe organike për kujdesin e lëkurës - My Skin Project
50 brende botërore dhe 60 kuzhinierë pjesë e panairit Horeca - Frigo Deluxe
Kreativ Qeramika, Kampion i Kampionëve!
Scardian Sigurime shpallet fituese e çmimit “Best Insurance Company in Kosovo 2023” nga FMI
Nxitoni, vetëm edhe 4 vende të lira në kursin intensiv për kamerë “From Zero to Hero”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi