Kim Kardashian i mahnit të gjithë me fustanin e ngushtë dhe dekoltenë transparente në mbrëmjen humanitare të TIAH

Kim Kardashian i mahniti të gjithë, e veshur me një fustan të zi të ngushtë pas mbërritjes së saj në mbledhjen e 4-të vjetore të fondeve të TIAH, e cila u mbajt në një rezidencë private në Los Angeles të shtunën në mbrëmje.

Themelueses 41-vjeçare të markës “Skims” iu bashkuan në ngjarjen e mbushur me yje edhe aktorja Zooey Deschanel dhe ylli i “Buffy Sarah”, Michelle Gellar, shkruan DailyMail.

TIAH, e cila është një akronim për This Is About Humanity, është një organizatë jofitimprurëse “e dedikuar për të rritur ndërgjegjësimin për familjet dhe fëmijët e ndarë dhe të ribashkuar në kufirin ShBA-Meksikë”.

Fustani i Kardashianit ishte gjysmë i tejdukshëm dhe ngjitej fort pas formës së saj trupore. Fustani kishte një jakë në stilin ‘chic’ dhe mëngë të gjata.

Lexo po ashtu Nga motrat Kardashian e deri te Stallone - Ujësjellësi në Los Angeles gjobit të famshmit për shpërdorim të madh të ujit në kohë thatësire

Nëna e katër fëmijëve i theksoi të pasmet e saj gjigante në fustanin e lëpirë për trup.

Ajo u ndje e rehatshme në një palë çizme të gjelbra neoni.

Flokët e saj bionde të zbardhura i rridhnin deri në bel në fije të lëmuara dhe të drejtuara.

Kardashian e mbrojti shikimin e saj të zjarrtë pas një palë syzesh futuristike të zeza, ndërkohë që fyti i saj ishte lyer me një nuancë të zbehtë nudo.

Ylli i serialit “Keeping Up with the Kardashians” habiti fansat kur ajo njoftoi se do të ndiqte hapat e babait të saj të ndjerë Robert Kardashian dhe do të studionte drejtësi.

Ajo fillimisht u përfshi publikisht me politikën ndërsa u zhyt në reformën e drejtësisë penale gjatë presidencës Trump.

Kim tregoi se është më shumë se një fytyrë e bukur teksa kaloi në mënyrë mbresëlënëse Provimin e Studentëve të Drejtësisë në vitin e parë të Kalifornisë, dhjetorin e kaluar.

Për këtë triumf, ajo u shpreh: “Për këdo që nuk e njeh udhëtimin tim në shkollën juridike, dije se kjo nuk ishte e lehtë për mua. Kam dështuar në këtë provim tri herë në dy vjet, por çdo herë ngrihesha dhe studioja më shumë dhe u përpoqa përsëri derisa iadola!”.

Themeluesja e “Skims” zbuloi gjithashtu për “Vogue Hong Kong” se shpreson që një ditë të hapë një firmë ligjore të suksesshme ku mund të mbrojë dhe të luftojë për të dënuarit gabimisht.

Pasi Kim kaloi provimin sfidues, i cili administrohet vetëm dy herë në vit, ish-i dashuri i saj Pete Davidson, 28 vjeç, bëri bujë te fansat duke realizuar një tatuazh dedikues për Kimin në trupin e tij.

Pas vetëm disa muajsh takim, ai kishte realizuar një tatuazh ku shkruhej “vajza ime është avokate” me të gjitha shkronjat e mëdha përgjatë kockës së tij të klavikulës, një nga disa kujtime të thella që ai ia kushtoi 41-vjeçares.

Marrëdhënia e tyre zgjati gjithsej nëntë muaj, pasi dyshja më pas u ndanë për shkak të orareve të tyre kontradiktore të punës dhe të qenit larg njëri-tjetrit.

Romanca me Davidsonin ishte lidhja e parë publike e Kimit që nga kërkesa për divorc nga ish-bashkëshorti i saj, Kanye West në shkurt të vitit 2021.

Ndërkohë, sipërmarrësja e ka zhvendosur fokusin e saj në rritjen e fëmijëve të saj: North, nëntë vjeçe, Saint, gjashtë vjeç, Chicago, katër vjeçe, dhe Psalm, tre vjeç.

Përveç amësisë, ajo është gjithashtu e përkushtuar ndaj bizneseve të saj të shumta, duke ruajtur praninë e gjatë televizive të familjes së saj dhe duke i dhuruar komunitetit, siç tregohet nga pjesëmarrja e saj në ngjarjen e së shtunës.

Mbledhja e katërt vjetore TIAH përfiton nga organizatat e famshme si: World Central Kitchen, Yes We Can dhe Immigrant Defenders Law Center.

Pjesëmarrësit inkurajohen të dhurojnë 1000 dollarë/euro në mbështetje të përfaqësimit ligjor për komunitetet e cenueshme të emigrantëve.

This Is About Humanity, e cila u themelua në vitin 2018, synon të ‘edukojë të tjerët për të qenë aleatë dhe avokatë’ për migrantët që kërkojnë azil në Shtetet e Bashkuara, si dhe të ofrojë shërbime thelbësore për refugjatët.

“Përmes udhëtimeve tona të afërta në kufi dhe fondit tonë të sponsorizimit fiskal ‘This Is About Humanity ‘ në Fondacionin e Komunitetit Ndërkombëtar, ne ndihmojmë në mbështetjen e atyre individëve me gjërat thelbësore për jetesë, akses në shërbime ligjore, kontrolle të shëndetit mendor dhe projekte të tjera strehimore”, shpjegon uebfaqja e tyre zyrtare.

“Ne ofrojmë gjithashtu një sërë projektesh duke përfshirë udhëtime arsimore me autobus në kufi, donacione për shërbime ligjore, projekte ndërtimi në strehimore, si dhe të mira materiale për të miturit e pashoqëruar”, thuhet më tej në biografinë e fondacionit. /Telegrafi/