Kim Kardashian humbi 150,000 ndjekës në Instagram pas postimit të një fotografie të Melania Trump gjatë inaugurimit të Donald Trump.
Ylli televiziv shpërndau fotografinë e Zonjës së Parë, e cila kishte veshur një kostum të zi elegant nga Adam Lippes, duke shkaktuar reagime të shumta nga fansat.
Pas këtij postimi, Kardashian humbi rreth 150,000 ndjekës, sipas një analize të Socially Powerful. Ajo tani ka 358 milionë ndjekës, shkruan DailyMail.
Ky postim shkaktoi shumë diskutime në rrjetet sociale, ku disa e kritikuan për këtë veprim, ndërsa të tjerë e lavdëruan për shijen e saj.
Disa fansa spekuluan se ky postim mund të tregonte mbështetje për Trump, duke marrë parasysh lidhjet e saj me individë që kanë mbështetur Trump, përfshirë Elon Musk dhe Ivanka Trump.
Kim Kardashian ka qenë një figurë e diskutueshme politikisht, pasi nuk ka shpallur hapur mbështetje për asnjë kandidat në zgjedhjet e fundit, megjithëse ka shprehur opinionin e saj në lidhje me çështje të tjera. /Telegrafi/
