Kia EV9 2023 është kapur nga kamerat teksa ishte duke i bërë testimet rrugore.

EV9 elektrik u pa në rrugët ikonë të pistës së garave në Nurburgring të Gjermanisë, ku pjesa më e madhe e kamuflazhit të “rëndë” tani është kthyer në një mbështjellës të thjeshtë dhe disa copa ngjitëse në mënyrë që t’i ngatërrojnë fotografët, raporton Drive.

Një “kafaz” rrotullues dhe ulëset garuese Recaro mund të shihen në prototipin testues, edhe pse kjo pothuajse është bërë vetëm sigurinë e inxhinierëve të Kia, dhe nuk do të arrijnë që të jenë në produktin final, transmeton Telegrafi.

SUV me tre rende të ulëseve – fillimisht i prezantuar si një veturë koncept në nëntor të vitit 2021, pritet që t’u ofrojë nivel më të lartë komforti dhe hapësire kur të dal në treg gjatë vitit tjetër, pasi që ofrohet si një alternativë e Toyota Landcruiser ose e Hyundai Palisade.

Reklama
Reklama

Pavarësisht blloqeve të shkumës të vendosura nën mbështjellësin e kamuflazhit në mënyrë që mos t’i shfaqin të tëra linjat, Kia duket se ka mbajtur formën e EV9 ashtu siç ishte në konceptin e prezantuar, duke ruajtur gjithashtu edhe fenerët e përparmë LED, grilën e përparme dhe dritat vertikale të pasme.

Kia EV9 do të ketë limit të ngasjes në 500 kilometra me një mbushje, teksa shpejtësinë prej 0 deri në 100kMh do ta arrij në rreth 5 sekonda. /Telegrafi/