KFOR-i turk vendoset në Zubin Potok, shkak situata e tensionuar

Si rezultat i situatës së tensionuar në veri të Kosovës, trupat e KFOR-it turk sot janë transferuar nga Prizreni për në Zubin Potok.

Gazetari turk Abdyl Vehab ka publikuar disa fotografi në Twitter ku ka treguar për transferimin e tyre në Zubin Potok.

“Në kuadër të misionit paqeruajtës të NATO- s në Kosovë , KFOR-i, trupat turke të stacionuara në qytetin e Prizrenit, së bashku me automjetet e famshme turke BMC Vuran 4×4, janë transferuar në Zubin Potok, në veri të vendit, ku është përshkallëzuar së fundmi situata me Serbinë”, ka shkruar ai.

Lexo po ashtu Situata në veri, Turqia nis drejt Kosovës trupa shtesë

Kujtojmë se javë më parë Turqia ka nisur drejt Kosovës disa ushtarë shtesë në kuadër të misionit të KFOR-it.

“Pas ngjarjeve që ndodhën në Kosovë, batalioni i Brigadës 65-të të Mekanizuar të Këmbësorisë, është nisur drejt Kosovës”, thuhej në njoftimin e Ministrisë së Mbrojtjes së Turqisë. /Telegrafi/

As part of the #NATO's peacekeeping mission in #Kosovo, KFOR, Turkish troops stationed in the city of Prizren, together with famous Turkish made BMC Vuran 4×4 vehicles, have been transferred to Zubin Potok, north of the country, where recent escalation with #Serbia took place. pic.twitter.com/932XMWQIHh

— Abdylvehab (@abdylvehab) June 15, 2023