Me këtë veturë, Mercedes konkurron me Bentley dhe Rolls-Royce

Për të gjithë ata që nuk u mjafton S Class në dizajnin Maybach, ka një seri speciale të frymëzuar nga moda e lartë.

Prandaj, nuk është për t’u habitur që Mercedes vendosi ta quajë këtë seri Haute Voiture. Seria është e kufizuar në vetëm 150 kopje, dhe baza është Maybach S680, pra versioni më luksoz i klasës S. Pra, 6.0 V12 me mbi 600 kuaj/fuqi është zgjedhja e parë edhe këtu.

“Karakteristikat e ndërlikuara dhe elementët ekskluzivë të dizajnit janë ato që e bëjnë Mercedes-Maybach S-Class Haute Voiture një nga modelet më ekstravagante që kemi krijuar ndonjëherë – ai përfaqëson luksin e sofistikuar në formën e tij më të pastër”, thotë Gorden Wagner, shefi i dizajnit të Mercedes. duke theksuar se kjo makinë përdor komponentë që nuk janë parë më parë në një Maybach, e lëre më një Mercedes.

Nga jashtë, vetura mori një kombinim dyngjyrësh, i përbërë nga bluja detare në pjesën e sipërme dhe një nuancë rozë e butë në pjesën e poshtme. I njëjti stil ndiqet nga buzët, si dhe vetë interieri, i cili gjithashtu merr detaje ari dhe bezhë.

Dhe është interieri që lidhet me modën e lartë, me detaje të ndezura dhe tapiceri prej pëlhure Boucle me një lëkurë të bardhë kristali mbizotëruese. Tapetet janë bërë nga një kombinim i lirit dhe mohair. Sistemi info-argëtues MBUX është përmirësuar gjithashtu, natyrisht përsëri në një grup ngjyrash verbuese që ndjekin nuancat e brendshme.

Në fund, çdo klient merr një kuti dhuratë që përmban një targë me numrin serial të makinës, një model të makinës dhe një unazë çelësi. Ekziston edhe një mbulesë e veçantë për makinën me logon Maybach dhe versione speciale.

Çmimi i këtij versioni nuk është bërë i ditur, por sigurisht që është rreth 300 mijë euro. Me këtë Maybach iu afrua shumë ofertës së markave më ekskluzive si Bentley dhe Rolls-Royce. /Telegrafi/