Elizabeth Katherine Gowing, e cila ka dhënë dorëheqje nga puna në Zyrën për Çështje të Komuniteteve që funksionon në kuadër të Kabinetit të Kryeministrit Albin Kurti, ka dalë me një sqarim mbi këtë vendim.
Ajo ka thënë se do të vazhdojë të ushtrojë detyrën e këshilltares politike për Çështjet e Komuniteteve, pasi siç ka deklaruar, ka shumë punë për të bërë dhe shumë mundësi e vullnet brenda qeverisë.
Katherine Gowing tutje ka sqaruar se arsyeja pse është dorëhequr nga Zyra për Komunitete është për shkak të një konkursi përmes së cilit janë ndarë gjysmë milioni euro për organizatat joqeveritare dhe mediat në përkrahje të komuniteteve joshumicë.
Sipas saj, nga ky konkurs kanë përfituar mbështetje financiare nga shteti vetëm tri organizata të cilat kanë bazë në komunitete joshumicë.
“Kam kërkuar opinion ligjor nga Zyra Ligjore për mundësi për ta anuluar një konkurs që ndan mjetet e shtetit në këtë mënyrë, dhe isha lajmërua se vetëm Komisioni i Ankesave mundet me e anulua këtë konkurs. Kur kuptova të hënën që Komisioni nuk do ta anulojë konkursin, i kam lajmërua që nuk mundem me vazhdua punën me Zyrën për Çështje të Komuniteteve. Nuk mundem me mbajt integritetin tim dhe me mbrojt vendimin e Komisionit Vlerësues për ndarjen e atyre mjeteve”, ka shkruar ajo në Facebook.
Ndryshe, ditë më parë Ministria për Komunitete dhe Kthim ka publikuar listën finale të organizatave joqeveritare, të cilat kanë përfituar mbështetje financiare përmes disa projekteve që kanë për qëllim rritjen e nivelit të punësimit të anëtarëve të komunitetit joshumicë dhe përmirësimin e kapaciteteve për të promovuar mbrojtjen e të drejtave të komuniteteve.
Janë gjithsej 57 OJQ që kanë përfituar nga thirrja publike, ndërkaq sipas ministrisë vendimi i Komisionit është i bazuar në rregulloren mbi kriteret, standardet dhe procedurat e financimit publik të OJQ-ve.
Megjithatë, një numër i madh i organizatave të cilat nuk kanë përfituar mbështetje nga kjo thirrje publike, kanë bërë ankesë në Komisionin Vlerësues të projektit.
Ky i fundit pas shqyrtimit të ankesave ka nxjerr vendim për refuzimin e tyre duke dhënë edhe arsyetimet, të cilat janë publikuar në faqen zyrtare të ministrisë.
E një anëtar i Komisionit Vlerësues në kushte anonimiteti i ka thënë Telegrafit se në procesin e kontrollit të aplikimeve kanë ndodhur një sërë vendimeve të kundërligjshme. /Telegrafi/
Lufta Prigozhin - Putin
Më shumëNga Rubrika
“Nuk ka logjikë që një njeri mos me dal me thanë ne besojmë në drejtësi”, Tahiri i AAK-së me kritika për Qeverinë Kurti për rastet e dyshuara të korrupsionit
Britania e Madhe kërkon t’i kushtohet më shumë vëmendje rreziqeve të konfliktit në Ballkan
VLEN: Gjykata Administrative ka pranuar ankesën për vendvotimin në Likovë
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Protestuesit hyjnë në Kuvend me pankarta për të drejtën e votës së emigrantëve, hedhin letra drejt deputetëve
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Mentor Latifi emërohet ambasador i Kosovës në Zvicër
A po kushtëzohet anëtarësimi i Kosovës në Këshill të Evropës me themelimin e Asociacionit?
Aktivisti i Luginës, Muharrem Salihu kandidati i parë nga Italia për zgjedhjet në Parlamentin Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit