Keni nevojë për një serial apo muzikë për të fjetur? Shkenca ka zbuluar se çfarë fshihet pas saj

Është fakt se zhurma i ndihmon disa njerëz të flenë

Profesionistët e shëndetësisë thonë se tingujt mund t’i ndihmojnë njerëzit të bien në gjumë duke maskuar zhurmat e jashtme dhe duke nxitur relaksimin. Por pse?

Pse zhurma e sfondit është ndihma e zgjedhur e gjumit për kaq shumë prej nesh?

Sipas mjekëve dhe ekspertëve të gjumit, në fakt ka disa arsye:

Ndoshta jeni në ankth

– Për ata që luftojnë me ankthin, heshtja mund të jetë e vështirë, kështu që zhurma në sfond është qetësuese – shpjegoi Shelby Harris, ekspert i gjumit për Huff Post.

Përveçse na ngushëllojnë, tingujt mund të na largojnë nga mendimet ankthioze, transmeton Telegrafi.

Mund të maskojë tingujt shpërqendrues

Të gjitha llojet e shqetësimeve mund të jenë të pranishme gjatë natës, nga mosfjetja e të tjerëve në shtëpi deri tek tingujt që vijnë nga rruga. Ato janë veçanërisht të dukshme gjatë natës kur përpiqemi t’i bllokojmë të gjitha dhe të biem në gjumë. Pastaj një zhurmë më e këndshme, si një melodi qetësuese ose një shfaqje televizive e shkujdesur, mund të jetë e mirëpritur dhe qetësuese.

Heshtja mund të jetë e pakëndshme

Kur jeta jonë shpesh është e mbushur me zë të vazhdueshëm dhe zhurmë, heshtja është një kontrast i dukshëm. Është tronditëse.

Nëse mendoni për shoqërinë, ne jemi vazhdimisht të rrethuar ose të zhytur nga tinguj. Njerëzit përdorin zhurmën e jashtme sepse mësohen me nivelin e ulët të zhurmës së sfondit dhe ndihen të parehatshëm në heshtje.

Zhurma mund të na bëjë të ndihemi më pak të vetmuar

Ngjashëm me arsyet e mësipërme, mungesa e zhurmës shpesh nënkupton mungesën e njerëzve përreth, gjë që mund të krijojë një ndjenjë vetmie, dhe kështu ata mendojnë se një zë që mbush heshtjen është një mënyrë për të ndjerë se ka njerëz përreth. /Telegrafi/