Keanu Reeves ishte menduar fillimisht për rolin e Brad Pittit në “The Lost City”

Keanu Reeves ishte vënë në konsideratë për rolin e Brad Pittit në “The Lost City”, kanë zbuluar së fundmi regjisorët e filmit.

Kur regjisorët Adam dhe Aaron Nee diskutuan me Screen Rant për rolin e Pitt në film, dyshja ndanë se ishin të pasigurt nëse do të ishte në gjendje të luante Pitt dhe kishin në mendje edhe yje të tjerë përfshirë Reeves.

“Mendoj se fillimisht menduam se do të ishte Keanu Reeves, por ai ishte i lidhur me ‘John Wick’, dhe ja ku ishim sikur ‘Brad ishte gjithmonë zgjedhja jonë e parë’”, tha Adam.

“The Lost City ” ka një kastë të mbushur me yje të tjerë ku bëjnë pjesë: Sandra Bullock , Channing Tatum, Daniel Radcliffe, Oscar Nunez etj.

Lexo po ashtu Brad Pitt dhe Lewis Hamilton në rolet kryesore për filmin e përfolur "F1"?

Pas vitesh thashetheme për romancë, Bullock u pyet së fundmi nga revista Esquire nëse ajo dhe Reeves kishin më shumë afrimitet apo ndonjë lidhje më të ngushtë me njëri-tjetrin, ajo u përgjigj: “Jo”.

“Por kush e di?”, shtoi ajo. “Keanu është një djalë që, më duket, është mik me çdo grua me të cilën ka pasur lidhje ndonjëherë. Nuk mendoj se ka ndonjë që ka diçka të keqe për të thënë për të”.

Që nga xhirimet e “Speed” në 1994, Bullock dhe Reeves kanë treguar të dy se ishin të dashuruar me njëri-tjetrin, por asnjëri nuk ishte në dijeni.

Premiera e këtij filmi në Paramount + ka qenë më 10 maj, me shfaqjen që vazhdoi më pas në Australi, Gjermani, Zvicër, Austri dhe Itali. /Telegrafi/