Katër top transferime që Chelsea është afër t’i realizojë para afatit të janarit dhe atij të verës së ardhshme

Chelsea tashmë po planifikon disa transferime për afatin kalimtar të janarit dhe verës së ardhshme, me një mori objektivash që po shikohen, sipas raportimeve të fundit.

Todd Boehly mbështeti ish-trajnerin e skuadrës londineze, Thomas Tuchel, me nënshkrime me vlerë mbi 250 milionë euro gjatë verës, por gjermani nuk zgjati shumë kur afati i transferimeve u mbyll pasi ai u lirua nga detyrat e tij në fillim të shtatorit dhe u zëvendësua nga Graham Potter.

Raheem Sterling, Kalidou Koulibaly, Marc Cucurella, Wesley Fofana, Pierre-Emerick Aubameyang dhe Denis Zakaria u nënshkruan të gjithë, si dhe Gabriel Slonina dhe Carney Chukwuemeka.

Ka qenë një fillim mesatar i sezonit për Chelsean, aktualisht në vendin e pestë në Ligën Premier, dhe pronarët e rinj po vazhdojnë punën në prapaskenë për të përmirësuar dhe përforcuar skuadrën.

Emra të mëdhenj tashmë janë lidhur përpara Kupës së Botës dhe afatit kalimtar të dimrit, me para të mëdha që do të shpenzohen nëse bazohemi tek raportimet e mediave ndëdrkombëtare.

Lojtarë si Josko Gvardiol, Declan Rice, Jude Bellingham dhe Christopher Nkunku, siç raportohet nga Matt Laë i The Telegraph, janë në listën e Bluve.

Josko Gvardiol

Chelsea është gati të transferojë mbrojtësin 20-vjeçar pasi ka zhvilluar bisedime të avancuara me RB Leipzig.

Mbrojtësi kërkohej nga klubi londinez në verë për një marrëveshje prej 90 milionë eurosh, por Leipzig nuk donte ta linte kroatin të largohej.

Ai pretendohet të ketë një klauzolë lirimi prej 45 milionë euro, pasi nënshkroi një marrëveshje të re deri në vitin 2027 muajin e kaluar.

Gvardiol mendoi se qëndrimi në Leipzig gjatë verës ishte lëvizja e duhur, duke pranuar: “Sinqerisht, jam i lumtur në Leipzig. Është vetëm viti im i dytë dhe kam ende shumë për të mësuar dhe punuar për veten time”.

Declan Rice

Chelsea ka pasur një interesim të gjatë për ish-yllin e tyre të akademisë. Ish-trajnerët si Frank Lampard dhe Thomas Tuchel ishin admirues dhe interesi i klubit mbetet në të.

Rice është tani kapiteni i klubit të West Hamit dhe anglezi është ende ‘në radar’ përpara verës së ardhshme kur Chelsea të kërkojë ta shtojë në mesfushën e tyre.

Jude Bellingham

Real Madrid dhe Liverpool tashmë kanë filluar të bëjnë lëvizjen e tyre për Bellingham dhe po udhëheqin garën për 19-vjeçarin.

Mesfushori i Borussia Dortmund vlerësohet në rreth 150 milionë euro dhe Chelsea po përpiqet të vendosë veten në garë për t’i dhënë vetes një shans për ta marrë atë verën e ardhshme.

Nëse ata do të jenë në gjendje të realizojnë një transferim si ky, mbetet për t’u parë, por Boehly dhe partnerët e tij nuk do të kalojnë pa luftë.

Christopher Nkunku

24-vjeçari nënshkroi një marrëveshje të re deri në vitin 2026 në qershor, e cila përfshinte një klauzolë lirimi prej 60 milionë euro që do të bëhet aktive verën e ardhshme.

Leipzig bëri lëvizjen për të mbrojtur vlerën e tij dhe ata e bënë këtë në kohë pasi francezi iu nënshtrua testeve mjekësore që u mbikëqyr nga Chelsea në fund të afatit kalimtar.

Tani ai ka rënë dakord për një parakontratë, e cila do ta shohë sulmuesin që të kalojë në Stamford Bridge verën e ardhshme për një tarifë që do të ishte më e madhe se vlera e klauzolës së tij të lirimit. /Telegrafi/