Katër gola dhe spektakël – Brighton dhe Liverpool ndajnë pikët

Brighton dhe Liverpool kanë luajtur baras me rezultat 2-2 në kuadër të javës së tetë në Ligën Premier.

Vendasit kaluan të parët në avantazh pas një gabimi të portierit Alisson të cilin e shfrytëzoi në maksimum Simon Adingra për t’i dhënë epërsinë ekipit të tij.

Reagimi i mysafirëve erdhi në minutat e fundit të pjesës së parë më saktësisht në minutën e 40-të, kur Darwin Nunez me një pasim fantastik arrin të gjejë në zonën e rrezikshme Mohamed Salah i cili shënon për të barazuar shifrat në 1-1.

Teksa dukej se dy skuadrat do shkonin në pushimin mes pjesëve me rezultat të barabartë, në  minutën e  46-të në skenë përsëri u shfaq egjiptiani Salah, i cili shënoi nga pika e bardhë për të kaluar në epërsi Liverpoolin.

Të besuarit e De Zerbit barazuan rezultatin në minutën e 78-të, pas një krosimi nga ana e Solly March që gjeti mjaft mirë në zonë kapitenin Leëis Dunk i cili tundi rrjetën e portës kundërshtare.

Lexo po ashtu Luan te Liverpooli dhe është një nga më të mirët, Zyba tregon befasinë e madhe që i bëri ylli anglez

Deri në fund nuk pati më raste të mira shënimi në asnjërën anë dhe që të dy ekipet u desh të kënaqeshin me nga një pikë në një sfidë që prodhoi spektakël.

Pas kësaj ndeshje, Liverpool radhitet në pozitën e tretë në tabelë me 17 pikë ndërsa Brighton në atë të gjashtin me një pikë më pak./Telegrafi/