Kampanja e veçantë kundër hedhjes së çamçakëzit në tokë (Foto)

Të lodhur me pastrimin e çamçakëzëve të panumërt që hidhen nëpër rrugën e Essexit në Angli, mbrojtësit e ambientit kanë ndërmarrë një paralajmërim të veçantë.

Me sprein me ngjyrë të verdhë, janë rrethuar të gjitha gomat e ngjitura, për të treguar se sa shumë po hedhin qytetarët.

“Shikoni para, ka goma përtypëse”, shkruan në këtë rrugë, që është e mbushur me rrathë për të treguar masën enorme të ndotjes, transmeton Telegrafi.

Meqenëse vetëm për pastrimin e çamçakëzëve të ngurtësuar shpenzohen afro 100 mijë euro në vit, në këtë formë po tentohet të tregohet se çfarë ndodhë nëse secili ndalon së hedhuri në tokë.

“Të hedhësh çamçakëzin është e lehtë, por të shohësh të kapur për toke është e pështirë. Shpenzohen shumë kohë dhe para për ta hequr, sepse lypset puna e njeriut dhe pajisje e veçantë”, thuhet në deklaratën e menaxhmentit të mbeturinave dhe riciklimit.

“Mund të hidhet në shportën e mbeturinave, apo të mbështillet me letër dhe të futet në xhep”, thuhet po ashtu në deklaratë, ku përkujtohet se dënimi për atë që e hedhë çamçakëzin në tokë është 100 euro. /Telegrafi/