Kamikazët me veturën e blinduar të mbushur me eksploziv deshën t’ju afrohen tankeve, e pësojnë keq duke u bërë shkrumb e hi (Video, +18)

Milicia shiite irakiane kanë publikuar një video shokuese, të një beteje të ashpër të dy tankeve dhe një veture të blinduar të terroristëve të mbushur me eksploziv, që lëviz nëpër një shkretëtirë të Irakut.

Në video shfaqet momenti i shpërthimit të kësaj veture të blinduar, brenda të cilës ishin një kamikazët që hodhën veten në ajër vetëm disa metra larg tankeve dhe ushtarëve që fshiheshin prapa tankeve, transmeton Telegrafi.

Shihet qartë se si kamikazët dështojnë t’i afrohen me shumë tankeve pranë të cilave qëndronte një ushtar i pambrojtur. Sipas autorëve që kanë publikuar videon, tanku kishte shkrepur një predhë në drejtim të terroristëve, por vetura e tyre e blinduar nuk ishte goditur.

Dhe pas që i shpëtoi më të keqes vetura filloi të lëviz, por shoferët e tankeve këmbëngulnin dhe vazhduan ta gjuajnë dhe në një moment shpërthen vetura, edhe pse nuk dihet nëse është goditur nga tanku apo ka hedhur vetën në erë.

Por, është interesant se si ushtarët që ishin brenda tankeve si dhe ushtari që gjendej jashtë i pambrojtur kanë shpëtuar pa as edhe një gërvishtje, edhe pse shpërthimi i veturës së terroristëve ishte shumë i madh. /Telegrafi/