Ka ndërruar jetë Zsa Zsa Gabor, aktorja e njohur për jetën luksoze dhe martesat e shumta (Foto)

Aktorja me origjinë hungareze, Zsa Zsa Gabor, ka ndërruar jetë të dielën në Los Angeles. Ajo ishte 99 vjeçare.

Përfaqësuesi i saj, Edward Lozzi, ka njoftuar se arsyeja e vdekjes ishte pamjaftueshmëria e zemrës.

Ajo ka qenë e njohur për jetën e saj luksoze dhe martesat e shumta, prej të cilave janë bërë publike së paku tetë.

Karriera e saj nisi me kurorën e ‘Miss Hungarisë’ në vitin 1936 dhe që nga vendosja në SHBA ka luajtur në dhjetëra filma dhe seriale televizive, në disa prej të cilave portretizonte veten.

Ndër rolet e saj më të mira përmenden ato në filmat, si “Moulin Rouge” (1952), “Lili” (1953), “Touch of Evil” (1958) dhe “Queen of Outer Space” (1958). /Telegrafi/