Juventusi i propozon një marrëveshje të madhe shkëmbimi Manchester Unitedit

La Gazzetta dello Sport raporton se Juventusi mund t’i propozojë Manchester Unitedit shkëmbimin “kokë më kokë” të Federico Chiesas dhe Mason Greenwood, me këtë të fundit që është një objektiv i Lazios po ashtu.

Reprezentuesi italian Chiesa nuk është pjesë e planeve të trajnerit të ri Thiago Motta në Turin dhe kontrata e tij skadon në qershor të vitit të ardhshëm, që të dyja arsye kryesore pse largimi i tij këtë verë është më se i mundshëm.

Napoli, Roma dhe Bayern Munich janë përmendur si destinacione të mundshme, por Gazzetta dello Sport raporton se ai mund t’i ofrohet Unitedit si pjesë e një marrëveshjeje shkëmbimi.

Kjo do ta lejonte Juventusin që ta transferonte Greenwoodin pa pasur nevojë të paguajë shumën e kërkuar prej 50 milionë eurosh nga “Djajtë e Kuq”.

Lexo po ashtu Juventusit “i soset durimi” me Rabiotin, synon transferimin e një tjetër mesfushori francez

Lazio gjithashtu tashmë dihet se është në garë për shërbimet e anglezit, por më së shumti ata mund të ofrojnë 20 milionë euro dhe 10 milionë të tjera në bonuse.

Një tjetër lojtar i Manchester Unitedit që ka tërhequr interesimin e Juventusit është edhe Jadon Sancho, por mediumi italian shton se transferimi i tij do të ishte i mundur vetëm në formë huazimi dhe nëse Unitedi do ta paguante një pjesë të pagës së tij./Telegrafi/