Juventusi ofron Dybalan dhe Sandron për Pogban

Juventusi është i gatshëm të ofrojë Paulo Dybalan dhe Alex Sandron në këmbim të mesfushorit të Manchester Unitedit, Paul Pogba.

Sipas gazetës britanike Sunday Express, Bianconerët shpresojnë të përdorin dy lojtarët e tyre si pjesë të marrëveshjes së shkëmbimit për të ulur çmimin prej 140 milionë euro të kërkuar për Pobgan.

Të dy, Dybala dhe Alex Sandro janë përfolur shumë si largime të mundshme të verës, pasi që ata kanë mbetur poshtë në renditjen e titullarëve këtë sezon, por shumë varet nga kush do të jetë trajner i ri pas Max Allegrit.

Lexo po ashtu Pesë destinacionet e mundshme për Paulo Dybala

Në mediat italiane është sugjeruar gjatë ditëve të fundit se drejtori sportiv i Juventusit, Fabio Paratici, fluturoi në Londër jo vetëm për bisedime me trajnerin e Tottenham Hotspur, Mauricio Pochettino dhe atë të Manchester Cityt, Pep Guardiola, por edhe për Pogban.

Do të ishte një rikthim në Torino për 26-vjeçarin, i cili u bashkua me Juventusin si lojtar i lirë nga Manchester Unitedit në vitin 2012 dhe u shit përsëri në klubin nga Old Trafford për 105 milionë euro në verën e vitit 2016.

Shfaqjet e tij kanë qenë të paqëndrueshme, por mbi të gjitha Pogba është inatosur me kritikat e marra nga tifozët dhe ekspertët anglezë.

Pogba shpesh kthehet në Torino me pushime dhe ka qenë edhe javën e kaluar për të marrë pjesë në festën e largimit të mbrojtësit të Juventusit, Andrea Barzagli. /Telegrafi/