Juventusi kërkon ta rikthej Romeron nga Tottenhami

Juventusi është i interesuar për mbrojtësin e Tottenhamit, Cristian Romero, të cilin më parë e kishte në pronësi.

Reprezentuesi argjentinas është një ish-lojtar i Juventusit, edhe pse ai kurrë nuk ka bërë debutimin e tij me Bianconerët.

Tottenham e bleu atë nga Atalanta për 50 milionë euro në 2021 pasi ‘Cuti’ u shpall mbrojtësi më i mirë i Serisë A për sezonin 2020-21.

Tani, sipas gazetarit argjentinas Gastón Edul, Bianconerët duan ta rikthejnë atë në Allianz Stadium.

25-vjeçari luajti 34 ndeshje në të gjitha garat në sezonin 2022-2023 dhe kontrata e tij në Londrën e Veriut skadon në qershor 2027.

Spurs pagoi 50 milionë euro për të siguruar nënshkrimin e tij në vitin 2021, ndërsa Juventusi e kishte nënshkruar për rreth 30 milionë euro nga Genoa në 2019.

Lexo po ashtu Juventusi ka shpenzuar 815 milionë euro në pesë vjet në përpjekje për të fituar Ligën e Kampionëve

Romero kaloi një sezon në huazim te Marassi përpara se t’i bashkohej Atalantës në një marrëveshje fillestare huazimi me një opsion për të blerë në verën e 2020.

Juventus do të dëgjojë ofertat për disa nga mbrojtësit e tyre, duke përfshirë Alex Sandro dhe Gleison Bremer./Telegrafi/