“Juventusi doli kundër ADN-së së tyre me emërimin e Mottas” – Pjanic flet për ish klubin e tij

Miralem Pjanic pretendon se Juventusi shkoi ‘kundër ADN-së së tyre’ duke punësuar Thiago Mottan, i cili u largua javë më parë nga “Zonja e Vjetër”. 

Bardhezinjtë sapo shkarkuan Thiago Mottan, sollën Igor Tudorin në krye, i cili fitoi ndeshjen e tij të parë.  

Mesfushori që shkëlqeu te Juventusi, duke fituar edhe trofe, u ndal tek ish klubi i tij duke nënvizuar gabimet.  

“Juve ndryshoi trajnerin e tyre sepse rezultatet ishin nën pritjet. Vitet e fundit, kur isha në klub, ata gjithmonë do të sfidonin për të fituar Scudetton, por pavarësisht investimeve të mëdha në tregun e transferimeve që e bënë klubin të mendonte se mund të konkurronte, diçka shkoi shumë keq”. 

Lexo po ashtu Buffon flet për emërimin e Tudor dhe luftën për titull të Serie A

“Disa zgjedhje shkuan kundër ADN-së së Juventusit, por tani ata kanë sjellë Tudorin, i cili e njeh mirë botën e Juventusit dhe është i vetëdijshëm se si funksionojnë disa dinamika atje”, deklaroi Pjanic.  

Tudor jo vetëm që ishte si lojtar te Juventusi, por edhe ndihmës i Andrea Pirlos, kështu që ka përvojë në çdo fushë të klubit. 

“Ai tashmë tregoi se është i përgatitur mirë dhe një ndryshim ishte i nevojshëm pas rezultateve që nuk ishin në përputhje me standardet e tyre”, nënvizoi boshnjaku. /Telegrafi/