Juni Calafat ia propozon Florentino Perezit transferimin e super talentin që e duan shumë skuadra evropiane

Real Madridi, i njohur për kërkimin e vazhdueshëm të talenteve dhe dëshirën për të ndërtuar ekipin më të mirë të mundshëm, vazhdon të eksplorojë tregun e transferimeve për sezonin e ardhshëm.

Me këtë rast në fokus është Thiago Almada, 22-vjeçari argjentinas i cili aktualisht luan për Atlanta United në MLS.

Almada ka spikatur në ligën amerikane si një nga lojtarët më premtues, duke zgjuar interesimin e disa klubeve elitare evropiane.

Lexo po ashtu Zbulohet vendimi që ka marrë hierarkia e Real Madridi për Arda Guler

Sezonin e kaluar, ai dëshmoi vlerën e tij me shifra mbresëlënëse: 13 gola dhe 16 asistime në 35 ndeshje të luajtura.

Juni Calafat, i cili është përgjegjës për planifikimin e transferimeve në Real Madrid, ka rekomanduar që Florentino Perez të konsiderojë nënshkrimin e Almada për të forcuar më tej skuadrën e bardhë.

Me moshën e tij dhe aftësinë për të shënuar gola dhe për të krijuar mundësi për shokët e tij të skuadrës, Almada mund t’i japë shtysë shtesë skuadrës dhe të plotësojë thellësinë dhe cilësinë tashmë ekzistuese në ekipin madrilen. /Telegrafi/