Jugu në Londër anulon qarkullimin e trenave për dy javë, për shkak të stafit të prekur nga COVID-19

Jugu ka anuluar trenat për në dhe nga “London Victoria” për dy javë si rezultat i mungesës së stafit të lidhur me pandeminë.

Sipas mediave britanike, përcjell Telegrafi, ndërprerja e shërbimeve hekurudhore është përkeqësuar gjatë periudhës së Krishtlindjes, ndërsa veprimet industriale vazhdojnë.

Jugu tani ka njoftuar se asnjë prej trenave të saj nuk do të shkojë në ose nga “London Victoria” deri më 10 janar për shkak të “izolimit dhe sëmundjes së coronavirusit”.

“London Victoria” është një nga stacionet më të ngarkuara në Mbretërinë e Bashkuar, dhe zakonisht lidhet nga jugu me vende të tilla si Brighton, Eastbourne dhe Portsmouth.

Ndërkohë, “CrossCountry” ka thënë se një grevë nga anëtarët e sindikatës Hekurudhore, Detare dhe Transportit (RMT) do të thotë se do të ketë “një orar shumë të kufizuar” në natën e Vitit të Ri.

Siç bëhet e ditur më tej, edhe shumë operatorë të tjerë përveç Jugut kanë anuluar trenat për shkak të pandemisë.

Ndryshe, Britania e Madhe është goditur nga një valë e re e pandemisë të shkaktuar nga varianti Omicron.

Ajo raportoi një rekord 183.037 të infektuar të mërkurën, andaj punonjësit e zyrës – shumica prej tyre – punojnë nga shtëpia.

Megjithëse duket të jetë më pak i rrezikshëm, Omicron është shumë ngjitës dhe kompanitë në të gjithë vendin kanë probleme për shkak të mungesës së stafit, andaj, linjat ajrore amerikane u është dashur të anulojnë mijëra fluturime për Krishtlindje. /Telegrafi/