A ju ka interesuar ndonjëherë se sa njerëz në mbarë botën bartin emrin e juaj apo mbiemrin?

Një çështje të tillë shkencëtarët e universitetit të Londrës qysh në vitin 2016 i patën dhënë përgjigje, duke krijuar një hartë interaktive që zbulon gjithçka për mbiemrin e juaj në nivel vendi, transmeton Telegrafi.

E pasi që kjo hartë kishte disa të “meta” dhe nuk shfaqte se sa mbiemra më të shpeshtë janë në nivel botëror, u shfaq ueb-faqja forebears.io në të cilën tani mund të shtypni emrin dhe mbiemrin dhe në hartë të shihni se sa i popullarizuar është në botë.

E kur në hapësirën e veçantë shtypni emrin, do t’ju tregoj edhe prejardhjen si dhe vendin në të cilin ky emër është shumë i “popullarizuar”.

Për shembull, nëse e shkruani Dardan apo Blerim, do ta vëreni se është një emër shumë i njohur në Kosovë dhe Shqipëri dhe që mijëra qytetarë e kanë këtë emër. /Telegrafi/