Josh Duhamel dhe Audra Mari shkëlqejnë në debutimin si çift i martuar gjatë premierës së filmit “Bandit”

Aktori amerikan, Josh Duhamel dhe partnerja e tij, Audra Mari bënë debutimin e tyre në tapetin e kuq si çift i martuar gjatë premierës së “Bandit”, e cila u zhvillua në Teatrin Harmony Gold në Los Angeles të mërkurën në mbrëmje (21 shtator).

49-vjeçari dhe modelja 28-vjeçare duket se po e shfrytëzojnë në maksimum kohën para kamerave, teksa kanë pozuar disa foto gjatë eventit.

Në premierën e filmit ku luajti ylli I filmave ishin të pranishëm edhe disa figura të tjera nga industria e argëtimit.

Duhamel dhe Mari të dy ishin të veshur tërësisht në të zeza, shkruan DailyMail.

Ylli i “Transformers” veshi një këmishë dhe kostum elegant me ngjyrë të zezë dhe një palë këpucë lëkure.

Ndërkaq, partnerja e tij zgjodhi një fustan me mëngë dhe të shkurtër që i tregonte këmbët e saj të tonifikuara.

Veshja e ish-Miss World America kishte gjithashtu një shtojcë të vetme në formë të pantallonave që mbulonte pjesërisht këmbën e saj të djathtë.

Mari i shtoi pak shkëlqim veshjes së saj me një gjerdan vezullues.

Duhamel dhe gruaja e tij dolën për herë të parë publikisht kur u fotografuan duke shkërbyer puthje në një aeroport në Toronto në vitin 2019.

Kujtojmë që Duhamel më parë ishte në një lidhje më parë me Fergie, me të cilën u martua në vitin 2009.

Ish-çifti solli në jetën e tyre një djalë të quajtur Axl, nëntë vjeç, në vitin 2013 përpara se të finalizonin divorcin në vitin 2019.

Aktori më vonë vazhdoi romancën me Marin dhe ai konfirmoi se ishte në një lidhje në janar të vitit 2020.

Çifti i lumtur pritën dy vite para se të njoftonin se ishin fejuar.

Duhamel dhe Mari lidhën kurorë në qytetin e saj të lindjes Fargo të North Dakotas, në fillim të këtij muaji.

Lexo po ashtu Josh Duhamel martohet me 'Miss World America' Audra Mari

Përveç me bashkëshorten, Josh u fotografua gjithashtu me disa nga aktorët e kastit gjatë premierës së filmit të tij më të ri “Bandit”. /Telegrafi/