Jose Mourinho tregon emrin befasues të lojtarit që nuk e fitoi kurrë Topin e Artë, por e meritonte

Jose Mourinho ka zbuluar lojtarin që “meritonte” të fitonte një Top të Artë, por nuk e fitoi kurrë, pavarësisht se ishte “një nga sulmuesit më të mirë në botë për shumë vite”.

I vetëshpalluri ‘Special One’ ka arritur gjëra të mëdha me disa nga lojtarët më të mirë në botë. Nga magjia e tij me Real Madridin, kur ai stërviti Cristiano Ronaldon në kulmin e tij, në ato vite të ngarkuara me trofe me Frank Lampard dhe Didier Drogba në Chelsea.

Por sipas fjalëve të tij, “suksesi më i madh” i Mourinhos ishte triumfi i tij në Ligën e Kampionëve me Interin, i cili ngriti çmimin më të madh të futbollit evropian me lojtarë si Diego Milito, Javier Zanetti dhe Wesley Sneijder.

Sneijder më vonë do të renditej i katërti në garën e Topit të Artë 2010 – një vendim që ai e ka përshkruar si “të padrejtë” pas sezonit të përkryer – ndërsa sulmuesi i Interit, Samuel Eto’o doli i 12-ti me vetëm 1.37% të votave.

Eto’o kurrë nuk iu afrua fitimit të trofeut prestigjioz, por Mourinho është i bindur se duhet ta kishte fituar atë gjatë karrierës së tij.

“Është e vështirë të kuptosh se si Samuel Eto’o nuk e fitoi kurrë Topin e Artë me karrierën mbresëlënëse që pati”, ka thënë fillimisht Mourinho në një intervistë për Radio Cameroon.

“Samuel luajti për skuadrat më të mira në ligat më të mira në botë. Ai shënoi një numër të jashtëzakonshëm golash dhe ishte i suksesshëm në liga të ndryshme”.

“Ai luajti tre finale të Ligës së Kampionëve, duke fituar dy me Barcelonën dhe duke shënuar në të dyja finalet. Ai gjithashtu fitoi një Ligë të Kampionëve me Interin dhe fitoi shumë tituj lige”.

“Ai ishte sulmuesi më i mirë në botë për disa vite dhe mendoj se ai e meritonte një Top të Artë, por këto janë gjëra jashtë kontrollit tonë”, përfundoi portugezi. /Telegrafi/